1 कुरिंती 8:7 - Korwa Bible

⁷ मनदो जमा होड़कू नाःआ बदीरे मेरकू सुसुदीतना। हँकू ओंगलेता, सतायरे मुरतीकूनरे जीव इदा, माःआन। दो हँकू हना मुरतीकून मड़ंगरे मंडावतो जिनिसकूनकू जोमता। अरू हँकू अबड़ जीव होड़कू दोहोनतान अते, हँकूराः जीव मइलाव जुवाःता।

1 कुरिंती 8:7 Referans Kwoze

रूमी 14:14

परबू ईंगे एचे सुदीबाःगोतेरा, तोनोंगाः जिनिस अँनपनते बेलूर मेर होयाःता। मनदो तोनोंगीग ओंगलेता, नाःआ जिनिस बेलूर इदा, माःआन, दो हन हनाँय लगा बेनेलूर होयाःता।

मूक चेलाकू 15:20

मनदो हँकू एचेरे नाःआ कता ओजाः इदीगे लगा इदा। हँकू मुरतीकून मड़ंगरे मंडावतो तोनोंगाः जिनिसकून अहाकू जोम, सनहा-सनहीते तोरेकू दोहोन अरू अइठाव गोएगतो जानरकूराः मास जोजोम लगा कोवानेःआ अरू बलंगी कहियो जोजोम कोवानेःआ।

रूमी 15:14

ने अजी बोपोहकूतिंग, ईंग इनिंग अपे बदीरेयिंग सुसुदीतना, अपे सतायरे नपाय होड़कू इदानपेःआ अरू भगवानराः कताकून नपायतेपे सुसुदीतना अरू अँननपे अपे चेड होड़ेंग अवेनता।

1 कुरिंती 8:1

दो नुँहू मुरतीकून मड़ंगरे मंडावतो जोम जिनिसकून बदीरेयिंग कतायतना। मनदो अपे कतायतना, नाःआ कता बदीरे अले कनहूनदारकू इदानलेःआ, माःआन। दो नाःआ बदीरे ईंग कतायतना, कनहूनते अबू बड़वारता मनदो दुलारते अबू एटाः होड़कूबू संघरावाता।

1 कुरिंती 8:4

मुरतीकून मड़ंगरे मंडावतो जिनिसकून जोम बदीरे अबू सुसुदीतना, सतायरे चउंदीसराः मुरतीकूनरे हनसा कोनोवानेःआ अरू एनेकला मिनीटोंग भगवान इदानिया।

1 कुरिंती 10:25

बजाररेकू अकिरिंगगेता हना तोनोंगाः मासपे किजा जोम। नाःआ मास तोनोंगाः मुरतीराः देगतो मास हवे जा कोवान, माःआन अहापे ओंगले सहे तोनोंगीग एचेरे अलोपे होंबरे।

1 तिसलूनिका 5:14

ने अजी बोपोहकूतिंग, अले अपे एचेरेले असेयतना कुड़ही होड़कूपे सेताव, पोंकाहा होड़कूराः जीवपे बड़ियाड़गोड, सतवास होड़कूपे संघरावा अरू कटराहा होड़कू इया अहापे होयाः।