1 कुरिंती 5:13 - Korwa Bible

¹³ भनगवान हमा बेगर बिसवासी होड़कूय फड़ियावता। हनालगा भगवानराः कागदरे ओजाःतो इदा हन इया, “हाँयग बेनेलूर बुता होड़ अपे तलातेपे उडुंग एंडागोडेय।”

1 कुरिंती 5:13 Referans Kwoze

मती ओजाःतेरा भगवानराः नपाय सरवन 18:17

हाँय हँकिनराः कता हों मेरेय मनाः दो, कलसियारिकुःआ बिसवासी होड़कूम कतावा। अरू हँकुःआ होड़कूराः कता हों मेरेय मनाः दो, भगवानराः कता मेरकू मनाःता हँकुःआ बेगर एहूदाकू अरू मलगुजारी गोः होड़कू इया हाँय ओंगोलकिडिग हाँय सुदा अलोपे मेसान।

1 कुरिंती 5:5

हाँयग होड़ कलउ एचेरेपे जिमागोडेय, जेमहा हाँय अनँयगराः बेलूर नेवन अते जीवे कुदा अवे अरू ईसू मसी कुदा वेगता हना दिन हाँयराः बिरुवा बनसाव जुवाः।

2 पतरस 2:9

हाँयकू सेवाता हँकुःआ होड़कू भगवान कटसिया अतेय सडावकू लगा अरू बेलूर होड़कू फड़ियावराः दिन वरी डंडियावगोड ञवन लगा होंय सुदीयता।

1 कुरिंती 5:7

अबूरीग ईसू मसी पसहा परोबराः भेड़ा होन इया अबू लगाय बलिदानयना। अरू अपे बेगर सेबेल सोड़ा सोलोंगतो गोहोम गुंडा इया इदानपेःआ। दो हना गोहोम गुंडा नपाय दोहोन लगा, हना जुना सेबेल सोड़ा रेमगे एंडागोडपे।

1 कुरिंती 5:1

अपे तलारे तोनोंग तोनोंग होड़कू सनहा-सनहीकू एचेयतना माःआन सनातायतेयिंग अअयूमतना। अरू नाःआ इयाःआ बुता बेगर बिसवासी होड़कू हों मेरकू एचेयता। मी होड़ अनँयग हुडिंगीग एंगात सुदाय गेतेगतना।

रूमी 2:16

ईंग अपे एचेरे सरवनिंग कता उदुःतेरा हनन इया फड़ियावराः हना दिनरे, भगवान ईसू मसीते, जमा होड़कूराः जीवरे इदा, हना ओकोत कताकूने फड़ियावता।

इबरानी 13:4

सनहा-सनही होड़कू अरू बेलूर बुता होड़कू जमाकू भगवान डनंडियावकूता। हनालगा बियाह जमाकू मड़ंगरे मनन मरजइत इदा माःआनपे ओंगोलबाःका अरू बियाहराः डरी डसना सुनुदपे दोहोय।

मूक चेलाकू 17:31

अरू आँयगरीग सुनावतो होड़ते, चउंदीसरिकुःआ जमा होड़कू सतायते फड़ियावकू लगा, भगवान मीटोंग दिने तोल दोहोकेरा। हाँयग सुनावतो होड़, भगवान गोएगतो होड़कू अते जियाव रेमकिडिगखन, नाःआ कता सताय हवे माःआन जमा होड़कूय उदुःवारा।”

1 कुरिंती 5:2

अरू नाःआ बदीरे अपे बड़वारतनापे। मनदो अपे नाःआ बदीरे अपे हदराः दोहोकुः दो, हाँयग होड़ अपे तलाते हिगार एंडागोडकेःआपे।