Biblia Todo Logo
Bib sou entènèt

- Piblisite -




1 कुरिंती 5:10 - Korwa Bible

10 अपे सनहा-सनहीकू एचेयता हँकुःआ होड़कू, सहे लुभिया होड़कू, सहे अडिग होड़कू, सहे मुरती सेवा होड़कू सुदा अहापे मेसान माःआन मी मुरुखिया मेरिंग कतायतना। नाःआ इया होयाः दो, अपेके नाःआ चउंदीस अड़ाः एएंडा पराःता।

Gade chapit la Kopi




1 कुरिंती 5:10
18 Referans Kwoze  

तोनोंगीग बेगर बिसवास होड़ अनँयग ओड़ाःरे गुतियाय राःपे अरू अपे सेन लगापे चहाः दो, सलाव जुवाःपे। अरू जोम लगा अपे मड़ंगरेय मंडावगे दो अपे बेगर होंबोरतेपे जोम।


हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।


अबू सुदीयतना अबू भगवानरिकुःआ लइंकू हवे अरू जमा चउंदीसरिकुःआ होड़कू बेलूर इदानिया हाँयराः आड़रे इदानकुःआ।


नँकुःआ मुदइ होड़कू चउंदीसरिकुःआ होड़कू इयाकू कतायता। हनालगा चउंदीसरिकुःआ होड़कू हँकुःआ होड़कूराः बड़राकू बिसवासगेता।


नाःआ अते अपे बेलूर ओंगोलरिकुःआ होड़कू तलारे भगवानरिकुःआ लइंकू इया बेगर गारबार अरू सुद जीवपे जियाव अवेनता। दो हँकुःआ होड़कू तलारे अपे टेडेगतो इपीलकू इयापे दोहोनता।


हनमेला अपे हों चउंदीसरिकुःआ होड़कूराः लूर-नेवन इयापे जियाःआ अरू सेरमोरेकू दँड़ाता हँकुःआ भूतकूरीग राजा कलउराः कतापे मनेवाःआ। अरू कलउ, भगवानराः कता मेरकू मनाःता हँकुःआ होड़कूराः इंदरीरेय बुतातना।


नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।


दो कनहूनदारकू अरू चेडदार होड़कू अरू नाःआ चउंदीसरिकुःआ पपरसार होड़कू बदीरे चेले माःआनपे ओंगलेतना? नाःआ चउंदीसरिकुःआ कनहूनदारकूराः कनहून, भगवान मेरेय एरंगवागरा जा?


हनते ईसू अरूय कताया, “अपे नानाः ओतरिकुःआ होड़कू हवे अरू ईंग सेरमोरीग हवे। अपे नाःआ चउंदीसरिकुःआ होड़कू हवे अरू ईंग ना लवे।


अलार-दुलार भगवान अगीते होयाःता। हनालगा ईंगरिकुःआ सउंगताकू, अँननबू अबू अलार-दुलार होड़ेंग लगा इदा। अबू अते तोनोंगीग होड़ एटाःकूय अलार-दुलार दो, हाँय भगवानरीग लँइग हवे अरू हाँय भगवाने सुदीता।


हँकुःआ होड़कू अनमरिकुःआ हवे। हनालगा ईंग नुँहू आम ईंग एचेरेम जिमाःकेडकुःआ हँकू लगायिंग अरजीतना। नुँहू चउंदीसरिकुःआ जमा होड़कू लगा मेरिंग अरजीतना।


नाःआ चउंदीस अते ईंगमे जिमावातेरा, हँकुःआ होड़कू एचेरे आमिंग एचे सुदीगोतेडा। हँकू आमरिकुःआ दोहोना अरू आम हँकू ईंगमे जिमावातेरा अरू हँकू आमराः सरवनकू मनेवारा।


अपे नाःआ चउंदीसरिकुःआ होड़कूपे दोहोकुः दो चउंदीसरिकुःआ होड़कू अँननकू इया अपेकू अलार-दुलारकेःआ। मनदो अपे नाःआ चउंदीसरिकुःआ होड़कू ना लवे अरू ईंग अपे चउंदीस अते सुनावकेडखनिंग एटाःकेडपेःआ। हननलगा चउंदीसरिकुःआ होड़कू अपेकू हिनइस-बिनइसवाता।


दो फरीसी होड़ चड़ाँवाडखन नाःआ इयाय अरजीःआ, ने भगवान, ईंग एटाः होड़कू इया इनिग होड़, सहे कसूर होड़, सहे सनहा होड़ कोवायिंगा। ईंग नाँयग मलगुजारी गोः होड़ इया हों कोवायिंगा। हनालगा आम ईंग धनियाबादिंग ओवामता।


मड़ंग अपे लगायिंग ओजाःतेरा हना चिठीरेयिंग कतातेरा, अपे सनहा-सनहीकू एचेयता हँकुःआ होड़कू सुदा अलोपे मेसान।


मनदो ईंग अपे एचेरेयिंग कतायतना, बिसवासी होड़कू अते तोनोंगीग होड़ सनहा-सनही, सहे लुभिया होड़, सहे ककाड़ी होड़, सहे दारू बोः होड़, सहे अडिग होड़ इदानीग दो, हाँय सुदा अलोपे मेसान अरू अलोपे जोम-ञूया।


Swiv nou:

Piblisite


Piblisite