1 कुरिंती 4:9 - Korwa Bible

⁹ ईंगराः ओंगोलरे, अले ईसूरिकुःआ मूक चेलाकू, गुजुःराः डंड पवाः लगा साब गोःतोकू दोहोनता हँननकुःआ होड़कू इया जमा होड़कू मड़ंगरे भगवान एचे चड़ाँकेडलेःआ। अरू सेरमो देसरिकुःआ बराहीलकू अरू नाःआ चउंदीसरिकुःआ होड़कू हों अलेकू ञेलता।

1 कुरिंती 4:9 Referans Kwoze

इबरानी 10:33

तोनोंग तोनोंग मेला, अपे एटाः होड़कू मड़ंगरेकू बदीतेडपेःआ अरू अपेकू संतावतेरा। अरू तोनोंग मेला, एटाः होड़कूकू संतावा, हनमेला हों अपे संतावतो होड़कू सुदापे मेसानेना।

रूमी 8:36

भगवानराः कागदरे ओजाःतो इदा, “अले आमरिकुःआ होड़कू होयाकियानते सगर दिन गुजुः दूररेले सेने पारतना; अरू पुजा ञेड एंडा लगाकू गोःकूता हँकुःआ भेड़ाकू इया इदानलेःआ।”

इबरानी 1:14

जमा सेरमो देसरिकुःआ बराहीलकू भगवान सडावकूता हँकुःआ होड़कू सेवाकू लगाय वारतेडकुःआकू ना लवे जा?

इबरानी 11:36

हँकू अते तोनोंग तोनोंग होड़कू एटाः होड़कू बेग-हतावातेरा अरू तोनोंग तोनोंगकू गुरुदतेकू ञेडतेडकुःआ अरू तोनोंग तोनोंगकू सिकिड़ीतेकू तोलतेडकूखन जेहेलरेकू एचे सींगगोतेडकू।

1 तिसलूनिका 3:3

जेमहा अपे तोनोंगाः कटसिया मेला बिसवासरे अहापे हिटोः-डोबोःगुः। मनदो अपे सुदीयतना नाःआ इयाःआ कटसिया अबू जीवरे होनोयाःता।

2 कुरिंती 6:9

अनसिनहार होड़कू इया इदानलेःआ हों जगल इदानलेःआ, गोएगतो इया इदानलेःआ मनदो जिनियत इदानलेःआ, ञेडतेला होड़कू इदानलेःआ मनदो ञेड एंडात कोवालेःआ।

मूक चेलाकू 19:31

पउलूसरिकुःआ सउंगताकू दोहोना हना देसरिकुःआ अदोम हातपात होड़कू हों हाँय हना अखरारे अहाय सेन लगाकू रोंकावतिडिया।

मूक चेलाकू 19:29

ओहेन हना सहररिकुःआ जमा होड़कू कड़ीग लगाकू रेमनेना। हँकू पउलूसरिकिनाः दूर सेन देंगवा होड़किन, मकिदुनिया राइजरिकिनाः होड़किन दोहोना हँकिनाः गायूस अरू अरिसतरकूस साबतेडखन मिनी जूदा मरंग अखरारेकू गिरहा बोलोयान।

1 कुरिंती 15:19

अबू नाःआ चनउंदीसराः गुजर मसर सलाः लगा एकला ईसू मसी एचेरेबू असरातना दो एटाः होड़कू अते अबूराः जीव सोगावा इया इदा।

2 कुरिंती 11:23

हँकू मसीरिकुःआ सेवकियाकू हवे दो, ईंग हँकू अते बइड़के इदानिंगा। नाःआ ईंग बउड़ाहा होड़ इयायिंग कतायता। ईंग मुरुकिंग मिहनइतकेरा, घड़ी घड़ी जेहेलरेकू सींगतिरिंगा, कइन तुरहा गुरुंदतेकू ञेडतिरिंगा अरू कइन तुरहा गुजुःतेयिंग बनसावकिया।