1 कुरिंती 3:9 - Korwa Bible

⁹ दो मनइद कता ननानाः हवे, अलिंग भगवानरिकिनाः सेवा देंगवा होड़किन हवे, अरू अपे भगवानराः दोहोड़ इया इदानपेःआ। अरू अपे भगवानराः ओड़ाः इया हों इदानपेःआ।

1 कुरिंती 3:9 Referans Kwoze

1 पतरस 2:5

दो जीयत दिरिकून इया सुद बिरुवा अपे भगवानराः सताय ओड़ाःरे एटाः होड़कू सुदा जोड़ावकेडपेखन सुद पुजउरीकू तुलापेतना, जेमहा भगवान ननायगुःता हना सुद बलिदानकून, अपे ईसू मसीतेपे देग अवेयता।

2 कुरिंती 6:1

अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

1 कुरिंती 3:16

अपे मेरपे सुसुदीतना जा, अपे भगवानराः ओड़ाः हवे अरू हाँयराः बिरुवा अपे जीवरे दोहोनता?

मरकूस 16:20

हनते चेलाकू जमा देसरे सेनेवाडखन नपाय सरवन होड़कूकू परसार उदुःवातेरा। परबू ईसू हँकू जमा एचेगे लगा डीड़े एमेवाकुःआ। अरू हँकू बयाव जुवाः इयाःआ बुताकूनकू एचेःआ अते परबूराः सरवन सताय हवे माःआने उदुःगेःआ। आमीन!]

मती ओजाःतेरा भगवानराः नपाय सरवन 9:37

हनते हाँय आँयग चेलाकू एचेरेय कतातेड, “हुड़ू दोहोड़रे मुरुक बेलेकिया, मनदो हना ईर लगा होड़कू टुनुहाँ इदानकुःआ।

1 कुरिंती 3:6

ईंग रोपाकेरा, अरू अपोलोस दहावतेरा, मनदो भनगवान हमा हराकेरा।

कुलूसी 2:7

अरू जेर गहीर सेनेकियानखन दुबीत बड़ियाड़गेता, हनन इया मसी बदीरेपे चेडकिया इया अपे बिसवासरे बड़ियाड़ इदीनपे, अरू भगवान बनागरापे धनियाबादगोड ञवन।

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

1 कुरिंती 6:19

अपे मेरपे सुसुदीतना जा, अपेराः देह सुद बिरुवाराः डेरा हवे। अरू हाँयग बिरुवा भगवान अगीतेःआ दहिन हवे अरू हाँय अपे जीवरेय दोहोनता। दो अपे अँननपेरिकुःआ ना लवे।

मूक चेलाकू 4:11

ओड़ाः तुला मिसतिरीकू तेके एंडातेरा हना दिरि जमा दिरिकून अते ननपाय दिरि होयानेना। अरू हनानाः दिरि ईसू हवे।

3 एहुना 1:8

हनालगा अबू बिसवासी होड़कू नँकुःआ होड़कू नेत-नेवारकेडखन जमा इयाःआ संघरा एमेवाकू लगा इदा। नाःआते अबू हों हँकुःआ होड़कू सुदा सतायराः सेवा देंगवा होड़कूबू होयाःता।

1 तिमुतियूस 3:15

जेमहा ईंग सेनरे कुबेर जुवाः दो आम सुदी अवेयता, बिसवासी होड़कू करा इया भगवानराः ओड़ाःरे नपाय लूर नेवनते जियाः लगा इदा, हना। भगवानराः ओड़ाः सताय सरवनराः खुंटा अरू पया इया दोहोनता हना जिनियत भगवानराः कलसिया हवे।

2 कुरिंती 6:16

भगवानराः ओड़ाः अरू मुरतीकून तोनोंग इया मेसानता जा? भगवान कताकेरा, “ईंग हँकूराः इंदरीरेयिंग बसाःता, अरू हँकू एचेरेयिंग सेन दूरता, ईंग हँकूरीग भगवानिंग होयाःता, अरू हँकू ईंगरिकुःआ होड़कूकू दोहोनता।” हनन इया अबू जीयत भगवानराः ओड़ाः हवे।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

मती ओजाःतेरा भगवानराः नपाय सरवन 16:18

आम ईंगमे अयूम! आम परतस हवे, अरू नाःआ दिरिरे ईंग ईंगराः कलसियायिंग तुलाता अरू नरगराः तोनोंग इयाःआ जंगर हना अते ओरो जीताव अवेनेना।

मती ओजाःतेरा भगवानराः नपाय सरवन 15:13

दो ईसू चेलाकूतेने कतावातेरा, “सेरमो देसरीग ईंग अपांग भगवान मेरेय रोपागडा, हना सींगकून जमा रवीग एंडा जुवाःता।