1 कुरिंती 16:2 - Korwa Bible

² जमा हपताराः मड़ंग दिन एतवार दिन अपेराः आन-धान अते हुडिंग हुडिंगपे बनसाव दोहोगे। दो ईंग अपे एचेरेयिंग सेन, हनमेला ईंगके बिहिरी उउतराव ओरो परावनेना।

1 कुरिंती 16:2 Referans Kwoze

मूक चेलाकू 20:7

हपताराः मड़ंग दिनरे चेलाकू परबूराः रुटी डुंडीग जोम लगाकू वेजेडा दो, पउलूस हँकू एचेरेय परसारतेरा। हाँय एटाः दिन सेन लगाय दोहोना, हनालगा हाँय हटिंग बरा रइत वरीय बड़रागोड ञवना।

लूका 16:10

गुनमिनाःरे भरसागेयीग होड़े दोहोनता, हाँय मरंग मरंगरे हों भरसागेयीग होड़े दोहोनता। अरू गुनमिनाःरे भरसागेयीग होड़ मेरेय दोहोनता, हाँय मरंग मरंगरे हों भरसागेयीग होड़ मेरेय दोहोनता।

उदुःतो कताकून 1:10

परबूराः दिनरे सुद बिरुवातेयिंग पेरेगयान अरू ईंग तयोम अगी मरंग सोहनाई इया मुरुक सटी मीटोंग अरोयिंग अयूमतेरा,

एहुना 20:19

हनानाः एतवार दिन सिंगाड़ मेला, चेलाकू एहूदाकूरिकुःआ मूक होड़कूराः बोतोरते ओड़ाःरे सींग रेडतोकू दोहोना। दो ईसू हंडाय वेजेडा अरू हँकू तलारे चड़ाँनेनखने कतावाकुःआ, “भगवान अपेराः जीवे सलसतगे।”

लूका 24:1

हपताराः मड़ंग दिन, एतवार दिन अंगुः मेला हँकुःआ अइमीकू हँकू सपड़ाव दोहोतेरा हना नपाय महक जिनिसकून मड़गट लातरेकू गोःतेरा।

एहुना 20:26

आठ दिन तयोमरे ईसूरिकुःआ चेलाकू ओड़ाः पेंदारेकू दोहोना। अरू हँकू सुदा तोमा होंय दोहोना। हना ओड़ाःराः दुवार सींगतो दोहोना। हननमेला ईसू वेगनेना अरू हँकू तलारे चड़ाँनेनखने कतातेरा, “भगवान अपेराः जीवे सलसतगे।”

मरकूस 14:8

नाँयग अइमी एचे अवेःआ हनानाःए एचेकेरा। नाँय ईंगकू तील अते मड़ंग ईंग धाररे सुनुमे तिलाःकेरा।

2 कुरिंती 8:10

नाःआ कता बदीरे अपेराः नफा लगा ईंग मीटोंग सलाहिंग उदुःता। कोनालोमते बिहिरी उतराव लगा एकला कोवान मनदो हान जुमावगे लगा हिछा हों मड़ंगरे अँननपे एचेरे दोहोना।