1 कुरिंती 16:12 - Korwa Bible

¹² एटाः बिसवासी होड़कू सुदा, अपे एचेरेय सेन लगा अपोलोस मुरुकिंग मंदरावतिरिया। मनदो हाँय सेन लगा मेरेय चहाःआ। हाँय एचेरे दाव दोहोन दो, हाँय अपे एचेरेय सेनेनता।

1 कुरिंती 16:12 Referans Kwoze

1 कुरिंती 1:12

ईंग नाःआ कता ननानाः लगायिंग कतायतना, अपे अते अदोमकूपे कतायता, ईंग पउलूसरीग चेला हवे; अरू तोनोंगीग कतायता, ईंग अपोलोसरीग चेला हवे; अरू तोनोंगीग कतायता, ईंग कइपारीग चेला हवे; अरू तोनोंगीग कतायता, ईंग ईसू मसीरीग चेला हवे, माःआन।

1 कुरिंती 3:5

दो अपोलोस इये हवे? अरू पउलूस इये हवे? अलिंग दो हाँयरिकिनाः सेवकियाकिन एकला हवे अरू अपे अलिंगते परबू एचेरेपे बिसवासकेरा। मेमेड होड़ लगा भगवान जिमावाडलेःआ, हनानाः बुता एकलाले बुता ञवनतना।

तितूस 3:4

मनदो अबूरीग सडावदार भगवान अबूय दुलारकेडबुःआ, अरूय मयावाडबुःआ।

1 कुरिंती 3:22

पउलूस, सहे अपोलोस, सहे कइपा, सहे चउंदीस, सहे जियाः, सहे गुजुः, सहे नुँहू होयाःतना हना, सहे दरवाःआ हना, जमा बरानाः अँननपेराः नफा लगा इदा।

मूक चेलाकू 18:24

हना वरीते अपोलोस ञावीग मी होड़ एहूदा होड़ इपीसी सहररेय वेजेडा। हाँय मिसिरी देसराः सिकंदर सहररीग होड़े दोहोना। हाँय नपाय चेडतो होड़े दोहोना अरू भगवानराः सरवन बदीरे कनहूनदारे दोहोना।

मूक चेलाकू 24:25

भगवानराः ओंगोल इया जियाः लगा अरू अनँयग आँयगते ओंगोल बुझावकियानखन जियाः लगा अरू दरवाःआ हना फड़ियावराः बदीरे पउलूस कता उदुःगेःआ। हनमेला पेलिकस मुरुके बोरोनेनखने कताया, “निनिन मिनाः बगरायना। नुँहू सलाव जुवाःमे। एटाः बेला अरूयिंग एचे राःमेता।”

मरकूस 6:21

हरदोस राजा अनँयग जनम दिनरे आँयग सरकाररिकुःआ मरंग मरंग हातपात होड़कू अरू सइनाकूरीग हातपात होड़ अरू गलील छतररिकुःआ मरंग मरंग होड़कू भोज जोजोम लगाय राःतेडकुःआ अरू हनमेला हेरोदियास एहुना एचे ञेड एंडा लगा दावे पवावनेना।

मूक चेलाकू 19:1

अपोलोस कुरिंतीरेय दोहोन मेला, पउलूस गलातिया अरू पिरगिया छतरते इपीसी सहररेय सेनेडा। हाँय हंडा अदोम बिसवासी होड़कू सुदाय जुमावनेना।

तितूस 3:13

हाँयग उकील जेनास अरू अपलोस सेनेन सेन मेला हँकिन लगा एएमे इदा हना जिनिसराः संघराम एमेगोड, जेमहा हँकिनराः सेन दूररे तोनोंग इयाःआ हुडिंग बगरा हँकिन लगा अलो होयाः।

मूक चेलाकू 15:34

[मनदो सिलास मेरेय सेनेगना। हाँय हंडाय दोहोना।]