1 कुरिंती 16:1 - Korwa Bible

¹ नुँहू ईंग भगवानरिकुःआ सुद होड़कू अपेराः पुंजी पसर अते संघरावाकूपे लगायिंग ओजाःगेतना। नाःआ बदीरे गलातिया देसराः कलसियाकूनरिकुःआ होड़कू एचेरेयिंग कतातेरा, हनन इया अपे होँपे एचेय।

1 कुरिंती 16:1 Referans Kwoze

1 एहुना 3:17

तोनोंगीग होड़ एचेरे जोम जियाः लगा मुरुक इदा अरू हाँय ञेनेलता अनँयग बिसवास वपक बोपोहकू एचेरे जोम जियाः लगा कोवानेःआ। मनदो हाँयग होड़ जोम जियाः लगा तोनोंग कोवानेःआ हाँयग होड़े सोगावडीगखन मेरेय एमेय दो हाँय एचेरे करा इया भगवानराः दुलार दोहोन?

रूमी 12:13

बिसवासी होड़कू लगा हुडिंग बगरा दोहोन मेला, हँकूपे संघरागोड ञवन अरू अनसिनहार होड़कू हों नेत-नेवारकू लगा सपड़ावतोपे दोहोन।

गलातिया 2:10

हँकू अले एचेरे मिनीटोंग कताकू कतातेरा, अपे गरीब होड़कूपे संघरावाकू लगापे उहियारगोड ञवन। अरू नाःआ बुता जमा बेला एचेय लगा ईंग इनिंग सपड़ावतोयिंग दोहोना।

मूक चेलाकू 24:17

मुरुक बरिस तयोमरे ईंगरिकुःआ गरीब एहूदाकू संघरावाकू लगा अरू भगवान बलिदान देगगे लगा एरुसलेमरेयिंग सेनेडा।

पिलेमोन 1:7

ने ईंगरीग मसी बोहोयिंग, आम भगवानरिकुःआ सुद होड़कूम दुलारता अरू हँकुःआ होड़कूराः जीव मुरुकमे एचे हड़ियड़गोतेडकुःआ। हनाते आम ईंगराः जीवमे बहालगोतेडा अरू ईंगराः जीवमे सलसतगोतेडा।

पिलेमोन 1:5

ईंग अयूमकेरा, पिलेमोन ईसू मसीरेय बिसवासगोड ञवनतना अरू परबू ईसूय दुलारतना अरू बिसवासी होड़कू सुदा अलार-दुलारतेय दोहोनतना, माःआन।

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।

मूक चेलाकू 11:30

हँकू हनन इयाकू एचेतेरा अरू एरुसलेमराः कलसियारिकुःआ अगुवा होड़कू एचेरे एमेय लगा बरनाबास अरू साहूल एचेरे पुंजी पसारकू एमेगोतेड।

मूक चेलाकू 16:6

भगवानराः सुद बिरुवा आसिया राइज सेन अते रोंकावतेडकुःआ। हनालगा पउलूस अरू आँयगरिकुःआ सउंगताकू पिरगिया अरू गलातिया छतरतेकू सेनेडा।

गलातिया 1:2

ईंग सुदा इदानकुःआ, हँकुःआ जमा बिसवासी होड़कू सुदा, गलातिया राइजराः कलसियारिकुःआ बिसवासी होड़कू, अपे लगा, नाःआ चिठीयिंग ओजाःगेतना।

मूक चेलाकू 18:23

पउलूस अंतकिया सहररे तोनोंग बेला वरीय दोहोना। हनते हाँय अंतकिया अते गलातिया छतर अरू पिरगिया छतररेय सेना अरू जनामा बिसवासी होड़कू बिसवासरेय एचे बड़ियाड़गोतेडकू।

मूक चेलाकू 11:28

हँकू अते मी होड़राः ञाव दोहोना अगबूस। हाँय जमाकू तलारे चड़ाँनेनखन सुद बिरुवा एचे कता इयाय कता उदुःतेरा, “जमा चउंदीसरे कतकाल होयाःता।” (अरू हना कतकाल मरंग राजा कलाउदियूस राइजगेःआ हनमेला होयानेना।)

मूक चेलाकू 9:41

दो पतरस हाँयराः तिःईरे साबतिरिगखने एचे चड़ाँतिरिया। हनते हाँय रंडियाहीनकू अरू बिसवासी होड़कूय राःतेरा अरू हाँयग तबीता जीयते जिमावातेडकुःआ।

मूक चेलाकू 9:13

दो हनानियाह कता कुदातेरा, “परबू अलोम वारगींग। हाँयग होड़ बदीरे मुरुकिंग अयूमतेरा अरू हाँय एरुसलेमरे आमरिकुःआ सुद होड़कू जमा बरानाः कटसियातेडकुःआ।

1 कुरिंती 4:17

नाःआ लगा ईंग अपे एचेरे ईंगरीग दुलार बेटा इयायीग तिमुतियूसिंग वारतना। हाँय परबू लगा बिसवासगेयीग इदानिया। जमा ततेरराः कलसियारिकुःआ होड़कू सरवनिंग चेडकूता हना चेड इया ईसू मसी लगा करा इयायिंग जियाःतना हना हाँय अपे एचेरेय कता उदुःगेता।

1 कुरिंती 11:34

अपे रंगेगतेपे पड़ूकुः दो, ओनोड़ाःतेपे जोम वेग। नाःआ इयापे एचेय दो, भगवान ओरोय डंडियावतेडपेःआ। बनसावतो इदा हना कताकून अपे एचेरे सोदोरकियानखनिंग कता उदुःवापेता।

1 कुरिंती 16:15

ने ईंगरिकुःआ अजी बोपोहकूतिंग, अपे सुसुदीतना अकाया देसरे इसतपनूसराः ओड़ाःरिकुःआ होड़कू मड़ंग ईसू एचेरेकू बिसवासतेरा। हँकू भगवानरिकुःआ सुद होड़कू संघरावा लगा मुरुक सपड़ावतोकू दोहोनता।