6 हनते पाँच सव अते बगरा चेलाकूतेन एचेरे मिनी जूदाय एचे ञेलनेना। हँकू अते मुरुक होड़कू तिसिंग वरी हों जीयत इदानकुःआ। मनदो हँकू अते तोनोंग तोनोंग होड़कू गोएगयना।
हनते ईसू हँकिन एचेरेय कतातेड, “अबा अहाबा बोर। ईंगरिकुःआ अजी बोपोहकूतिंग एचेरेबा सेन अरूबा उदुःवाकू, अपे गलील अगीपे सेन। हंडा ईसूपे ञेलता, माःआन।”
मनदो अपे सेनेवाडखन पतरस अरू हाँयगरिकुःआ एटाः चेलाकू एचेरेपे कताय, ईसू जियाव रेमकिया अरू हाँय अपे अते मड़ंग गलील छतररेय सेनता। अपे एचेरेय कतातेरा हनन इया हाँय हननंडापे ञेलेयता, माःआन।”
दाऊद आँयग जूगरिकुःआ होड़कू भगवानराः ओंगोल इया सेवातेडकूखने गोएगनेना अरू हाँयराः मुरदा दो सेयायना।
अरू हँकू कतायता, हाँय कुदा वेगता हना जबान करेन पुराःतान? अबूरिकुःआ खुटिपरिया होड़कू गोएगयनाकू। चउंदीस बुँहड़ीकियान वरीते कहिसाः मेर बदलावगना अरू जमाकून हनन इया सलाव ञवनतना, माःआन।
अरू ईसू मसी एचेरे बिसवासकेडखनकू गोएगयना हँकुःआ होड़कू होंकू लाय एंडाकुःआ।
हनते हाँय उकुड़ोमनेनखने खिररीःआ, “परबू, नँकुःआ होड़कूराः कसूर अँननकू बदीरे अलोम ओंगोल दोहोगे।” नाःआ कतावाडखन हाँय गोएगयाने।
परबू ईसू कताकेरा हनानाः बड़राले कतायतना। अबू जीयत इदानबुःआ अरू ईसू मसी कुदा वेग वरी हों जिनियतबू दोहोन दो, गोएगकियाकू हँकुःआ बिसवासी होड़कू अते मड़ंग ईसू सुदा ओरोबू जुमावनेना।
ने अजी बोपोहकूतिंग, गोएगयनाकू हँकुःआ बिसवासी होड़कू बदीरे अनसिनहार अहापे दोहोन, जेमहा गोएगतो होड़कू जियाव रिमुःता हना बदीरे असरा कोवानेःआ हँकुःआ होड़कू इया अहापे फिकिराः।
तोनोंगाः सींगरे मड़ंग जोःओबू ञेलतान दो अबू सुदीगोडता नाःआ सींग दूबते अरू बगरा जोःओ जोःता। ननन इया भगवान, ईसू मसी हों गोएगतो अतेय जियाव रेमकिरिया। हनालगा गोएगतो होड़कू हों भगवान जियाव रेमकूता।