1 कुरिंती 15:2 - Korwa Bible

² ईंग अपे एचेरेयिंग कता उदुःतेरा हनानाः नपाय सरवनते भगवान अपेय सडावकेरा। मनदो अपे हना सरवन अपे इंदरीरे दोहोकेडखन मेरपे सलावकुः दो अपेराः बिसवास सदाःआ होया जुवाःकुःआ।

1 कुरिंती 15:2 Referans Kwoze

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

इबरानी 2:1

हनालगा अबू अयूमकेरा हना कताकून मुरुक तिंगीड घड़ीन अबूके मनाः लगा इदा, जेमहा अबू अलोबू बहकावगुः।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

2 तिमुतियूस 1:9

हनाँयग भगवान अबूराः तोनोंग नपाय बुता ञेलकेडखन कोवान, मनदो हाँय चउंदीस बुँहड़ीन अते मड़ंगरेय ओंगोल दोहोतेरा हना इया ईसू मसीते मयावाडबूखने सडावकेडबुःआ अरू सुद जीव जियाः लगाय राःकेडबुःआ।

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

इपीसी 2:8

अपे ईसू मसी एचेरेपे बिसवासकेड मेला भगवान आँयगराः मयाते अपेय सडावकेडपेःआ। अरू अपे अँननपे कुरनिसगे अते मेरपे सडावगना, मनदो भगवानराः दहिन हवे।

1 कुरिंती 1:18

कुरूसराः सरवन लाय एंडन होड़कू लगा बुयांग बड़रा हवे, मनदो अबू भगवानते एचे सडावगुः होड़कू लगा हना सरवन भगवानराः जंगर उदुःता।

एकूब 2:26

बेगर हनसाते देह गोएगतो दोहोनता अरू हनन इया बेगर नपाय बुताराः बिसवास सदाःआ दोहोनता।

एकूब 2:14

ईंगरिकुःआ अजी बोपोहकूतिंग, तोनोंगीग होड़ कतायतना, ईंग ईसू मसी एचेरेयिंग बिसवासगेतना। मनदो हाँय नपाय बुता मेरेय एचेयता दो हनारे चिला नफा इदा? नानाः इयाःआ बिसवासते हाँय सडाव जुवाःताय जा?

इबरानी 10:23

अबूय जबानवारा हाँयग भगवान बिसवासगेयीग इदानिया। हनालगा अबू कबुलावकिया हना असरा, बेगर हिटोः डोबोःते नपायतेबू संभाड़ ञवन।

लूका 8:13

दररी ओतरे लोजोरनेना हना बिहान नाःआ इया होड़कू हवे। हँकू भगवानराः कता अयूमकेडखन बहालतेकू मनाःता। अरू हँकू तोनोंग दिन वरी बिसवासरेकू दोहोनता, मनदो जेर नपायते मेर साबगुःता, हनाते तोनोंग तोनोंग इयाःआ कटसिया मेला बिसवासकू अड़ाःगोडता।

एकूब 2:17

हनन इया तोनोंगीग होड़ कतायता, ईंग बिसवासगेयतना। मनदो बिसवास इया नपाय बुता मेरेय बुतायता दो, हाँयराः बिसवास गोएगतो इया इदा।

इबरानी 4:14

भगवानरीग बेटात ईसू सेरमो देसरे अबू लगा मरंगीग मूक पुजउरी इदानिया। हाँय अँननबू इया जमालेःआ अंदजावरेय परावनेना, मनदो तोनोंगाः मेरेय कसूरगाड।

2 तिसलूनिका 2:15

हनालगा ईंग अजी बोपोहकूतिंग, अपे ईसू मसीराः बिसवासरे बड़ियाड़गुःपे अरू अले अपे सुदा दोहोन मेलाले चेडतेडपेःआ अरू चिठीरेले ओजाःतेरा हना जमा कताकून मनावगोड ञवनपे।

गलातिया 3:4

नाःआमिन अपे सेसा-दुराकिया, हना दो सदाःआयना जा? मेनेर होयागना।

2 कुरिंती 6:1

अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

रूमी 1:16

ईसूराः नपाय सरवनरेकू बिसवासगेता, हँकुःआ होड़कू सडाः लगा भगवानराः जंगर हना सरवनरे इदा। मड़ंगरे हाँय एहूदाकू अरू तयोमरे बेगर एहूदाकू होंय सडावता। हनालगा नाःआ नपाय सरवन कता उदुः लगा मेरिंग गियुःतना।

2 कुरिंती 2:15

दो अबू परसारगेता हना नपाय सरवन सडाव जुवाःताकू हँकुःआ होड़कू लगा अरू लाय जुवाःताकू हँकुःआ होड़कू लगा भगवान ननायगुःता मसीराः नपाय मह-महाःता हना सकला इया इदा।

1 कुरिंती 15:14

अरू ईसू मसी गोएगतो होड़कू अते मेरेय जियाव रेमकुः दो, अलेराः परसार हों सदाःआ होयाकुःआ अरू अपेराः बिसवास हों सदाःआ होया जुवाःकुःआ।

1 कुरिंती 1:21

भगवान अगम कनहूनदार इदानिया। अरू हाँय ओंगोल दोहोकेरा, कनहूनदारकू अँनकूराः कनहूनते ईंग बदीरे ओरोकू सुदी अवेतेरा, माःआन। मनदो अले नपाय सरवनले परसारगे अते बिसवासगेताकू हँकुःआ होड़कू सडाव लगा भगवान ओंगोल दोहोकेरा। अरू नपाय सरवन मेरकू बिसवासगेता हँकुःआ होड़कू लगा अलेराः परसार बेगर लूर इया इदा।

रूमी 11:22

अपे नाःआ कता बदीरेपे उहियारगोड ञवन। भगवान मया ञवनताय अरू डंडियावकू लगा होंय सुदीयता। हाँय एचेरे मेरकू बिसवासगाड, हँकुःआ होड़कूय डंडियावतेडकुःआ अरू हाँय एचेरेकू बिसवासकेरा अपेय मयावागोड ञवनतना। अपे मेरपे बिसवासगे दो अपे हों हना डइड़ इयाय तपेग एंडागोडपेताय।

मूक चेलाकू 8:13

सिनिमोन हों बिसवासतेडखन बतिसमाय गोःतेरा। हनते हाँय पिलिपे ओतोंग सेनेडा अरू ञेनेल ञेलरे होड़कू नपाय जुवाःआ अरू बयाव जुवाः इयाःआ बुताकून ञेलतेडखने बयावयान।

मूक चेलाकू 2:47

हँकुःआ बिसवासी होड़कू भगवानकू जागा अरू जमा इसराएल होड़कूराः ओंगोलरे नपायकू दोहोना। भगवान सडावकेडकुःआ, हँकुःआ होड़कू बिसवासी होड़कू सुदा परबू दिनो-दिने एचे मेसातेडकुःआ।

1 कुरिंती 11:2

अपे जमालेःआ लगा ईंगपे उहियारगोड ञवनता। अरू ईंग चेडतेडपेःआ हना जमाकून अपे मनाःतना। हनालगा अपेयिंग भल-भलायवाता।