1 कुरिंती 14:4 - Korwa Bible

⁴ अनबुझ भासीय बड़राता हाँयग होड़ अनँयगराः बिसवासे बड़ियाड़ता, मनदो भगवानराः बड़राय कताता हाँयग होड़ कलसियारिकुःआ जमा होड़कूराः बिसवासे बड़ियाड़ता।

1 कुरिंती 14:4 Referans Kwoze

1 कुरिंती 14:22

दो तोनोंगीग बिसवासी होड़ अनबुझ भासीय बड़रा दो हना बेगर बिसवासी होड़कू लगा भगवानराः जंगर उदुःता। अरू बिसवासी होड़कू भगवानराः बड़राकू कताय दो कलसियारिकुःआ जमा होड़कूराः बिसवास बड़ियाड़ जुवाःता।

1 कुरिंती 14:26

ने अजी बोपोहकूतिंग, अपे मिनीरेपे जुमाः मेला नाःआ इयापे एचेय। अपे मेमेड होड़ मेमेड होड़ एचेरे सेरेंगकून सहे, चेड सरवन सहे, भगवानराः एचे उदुःतो सरवन सहे, अनबुझ भासी सहे, अनबुझ भासीराः अरत उदुः लगा इदा दो, नाःआ जमाकूनते कलसियारिकुःआ जमा बिसवासी होड़कूराः नफा होयाः लगा इदा।

मरकूस 16:17

बिसवासगेता, हँकुःआ होड़कू नाःआ जमाकूनकू चिनहा इयाकू एचे अवेता। हँकू ईंग ञावते भूतकूकू एचे उडुंगगोडता अरू हँकू एटाः एटाः नँवा नँवा भासीकू बड़राता।

1 कुरिंती 14:12

ने ईंगरिकुःआ अजी बोपोहकूतिंग, अपे सुद बिरुवाराः दहिनकून लगापे रोयोँन दो, अपे अते कलसियारिकुःआ जमा होड़कूराः बिसवास बड़ियाड़ जुवाः लगापे कुरनिसगोड ञवन।

1 कुरिंती 14:5

ईंग चहाःता, अपे जमाकू अनबुझ भासीपे बड़रा, मनदो नाःआ अते बगरा अपे भगवानराः बड़रा कता होड़कूपे होयाः लगा ईंग चहाःता। अनबुझ भासी बड़रायीग होड़ हना भासीराः अरत कलसियारिकुःआ होड़कूराः बिसवास बड़ियाड़गे लगा मेरेय उदगे दो, हाँय भगवानराः बड़रा कतायीग होड़ अते हुडिंग इदानिया।

1 कुरिंती 14:3

मनदो भगवानराः बड़राय कताता हाँयग होड़, होड़कू एचेरेय कतायता। हाँयराः बड़राते हँकूराः बिसवास बड़ियाड़ जुवाःता, अरू हँकूराः जीव अहाल-बहाल अरू हड़ियाड़ जुवाःता।

1 कुरिंती 13:2

ईंग भगवानराः बड़रायिंग कता अवे, अरू भगवानराः ओकोत कता अरू कनहून जमालेःआयिंग बुझाव अवेन, अरू पहाड़कून चलाः एंडागे इयाःआ बिसवास ईंग एचेरे इदान हों ईंग एटाः होड़कू मेरिंग दुलार दो, ईंग कही कोवायिंगा।

रूमी 14:19

हनालगा अबू जमाकू सुदा हेल-मेलरे दोहोन घड़ीन बिसवासरे बड़ियाड़ होड़ेंग लगा इदा।

1 कुरिंती 12:10

अरू एटाः होड़कू बयाव जुवाः इयाःआ बुताकून एचे लगा अरू एटाः होड़कू भगवानराः बड़रा कता होड़कू होयाः लगा सुद बिरुवा दहिन एमेवाकूता। तोनोंग तोनोंग होड़कू सुद बिरुवाराः बड़रा अरू भूतकूराः बड़रा अंदजाव लगा अरू तोनोंग तोनोंग होड़कू अनबुझ भासीकून बड़रा लगा अरू तोनोंग तोनोंग होड़कू अनबुझ भासीकूनराः अरत बुझाः लगा दहिनकू पवाःता।

1 कुरिंती 12:28

अरू भगवान कलसियारे एटाः एटाः इयाकुःआ होड़कूय सुनाव दोहोकेडकुःआ। मड़ंगरे ईसूरिकुःआ मूक चेलाकू, अरू भगवानराः बड़रा कता होड़कू, अरू चेडदार होड़कूय सुनाव दोहोकेरा। अरू हाँय अरू एटाः होड़कूय सुनाव दोहोकेरा। हँकू बयाव जुवाः इयाःआ बुता एचे लगा, अरू बेमरियाकू नपायकू लगा, अरू संघरावाकू लगा, अरू अगुवाइवाकू लगा, अरू अनबुझ भासी बड़रा होड़कू होयाः लगाय सुनाव दोहोकेडकुःआ।

1 कुरिंती 13:1

ईंग सेरमोरिकुःआ बराहीलकूराः अरू होड़कूराः भासीरे होयिंग बड़रा, मनदो ईंग एटाः होड़कू मेरिंग दुलार दो छिपी टका-टोँड़ा इया, अरू खंजड़ी विरीनता हना इया इदानिंगा।