Biblia Todo Logo
Bib sou entènèt

- Piblisite -




1 कुरिंती 14:3 - Korwa Bible

3 मनदो भगवानराः बड़राय कताता हाँयग होड़, होड़कू एचेरेय कतायता। हाँयराः बड़राते हँकूराः बिसवास बड़ियाड़ जुवाःता, अरू हँकूराः जीव अहाल-बहाल अरू हड़ियाड़ जुवाःता।

Gade chapit la Kopi




1 कुरिंती 14:3
42 Referans Kwoze  

ने ईंगरिकुःआ अजी बोपोहकूतिंग, अपे सुद बिरुवाराः दहिनकून लगापे रोयोँन दो, अपे अते कलसियारिकुःआ जमा होड़कूराः बिसवास बड़ियाड़ जुवाः लगापे कुरनिसगोड ञवन।


ईंग अपे एचेरे अरीनिंग सुदरुः वरी कलसियारे भगवानराः सरवन जमा होड़कूम बछाव उदुःवा लगा अरू परसारगे लगा अरू चेडकू लगा ओसताजमे दोहोन।


मनदो ईंगरिकुःआ अजी बोपोहकूतिंग, अपेराः मुरुक सुद बिसवास बड़ियाड़ इदीनपे अरू सुद बिरुवा अगुवाइवापेता हना इयापे अरजी।


हाँय अलिंग चेड उदुःकेरा ईसूराः सताय सरवनरे बड़ियाड़ बिसवासगे इदा, जेमहा हाँय जमाकू सताय सरवने चेड अवेकू अरू सताय सरवनकू घंटावता हँकुःआ होड़कूराः आहे रिपूड अवे।


हाँय अलेराः हाल-चाले कता उदुःवापेता अरू अपेराः जीवे कता बहालगेता। हनालगा ईंग हाँय अपे एचेरेयिंग वारेयतना।


भगवानराः सरवनमे परसार। अरू सगर बेला परसारगे लगा सपड़ावतोम दोहोन। मुरुक सहाव घड़ीन होड़कूम मंदरावकू अरूम डंटावकू अरूम कता बहालवाकू अरू भगवानराः सरवन नपायतेम चेडकू।


नान इया हुडिंग मरदकू हों अँननकूराः जीव संभाड़गे घड़ीन नपाय जीव जियाः लगा इदा।


जमा होड़कूराः जीव अहाल बहाल जुवाः लगा अरू चेडुः लगा, मेमेड होड़ मेमेड होड़ भगवानराः बड़रा ककता लगा इदा।


ने अजी बोपोहकूतिंग, अपे मिनीरेपे जुमाः मेला नाःआ इयापे एचेय। अपे मेमेड होड़ मेमेड होड़ एचेरे सेरेंगकून सहे, चेड सरवन सहे, भगवानराः एचे उदुःतो सरवन सहे, अनबुझ भासी सहे, अनबुझ भासीराः अरत उदुः लगा इदा दो, नाःआ जमाकूनते कलसियारिकुःआ जमा बिसवासी होड़कूराः नफा होयाः लगा इदा।


हनालगा अबू जमाकू सुदा हेल-मेलरे दोहोन घड़ीन बिसवासरे बड़ियाड़ होड़ेंग लगा इदा।


दो भगवानराः नियमकून अरू भगवानराः बड़रा कता होड़कूराः कागद अते बछावनेनखन तयोमरे हना अरजी ओड़ाःरिकुःआ हातपात होड़कू हँकिन एचेरे मी होड़ होड़तेकू एचे होंबोरतेडकिना, “ने वपक बोपोहकिन, नँकुःआ होड़कू कता-बहालकू लगा अबा एचेरे तोनोंगाः बड़रा कता लगा इदान दोबा कताय।”


बेगारी होड़कू अँननकूरिकुःआ मालिककूराः जमा कताकून मनाः इदा। हँकू मालिककू एचेरे तोनोंगाः उलटा बड़रा कता कोवानेःआ,


अले भगवानराः नपाय सरवन तोनोंगाः गारबारते सहे बेलूर ओंगोलते सहे अडिगपे लगा मेरले परसारगरा।


अपे अते तोनोंगीग कतायता, जमालेःआ एचेय लगा हकतियार ईंग एचेरे इदा, माःआन। मनदो ईंग हना कतारे रायरे कोवायिंगा। जमा दो नफा पवाः लगा अरू संघरावाकू इया कोवानेःआ।


दो ईंगरिकुःआ अजी बोपोहकूतिंग, ईंगरीग बिसवासगेयीग सउंगता सिलवानूसराः संघराते, ईंग नाःआ हुडिंग चिठीयिंग ओजाःकेरा। अपेराः जीविंग कता बहालगे लगा अरू भगवानराः मया अबू जीव लगा सताय हवे माःआनपे सुदीबाःका लगायिंग ओजाःकेरा। दो अपे नाःआ सताय मयारेपे सनालावगोड ञवन।


ने अजी बोपोकूतिंग, ईंग नाःआ चिठीरे अनादोम कताकूनिंग ओजाःकेरा। हनालगा अपे एचेरेयिंग असेयतना, नाःआ चिठीरे ओजाःतो इदा हना कताकून नपायतेपे अयूम ठुड़ावगे।


तोनोंग तोनोंग होड़कू संगइती अड़ाःगे लगाकू हेवाकिया। हना इया अबू एटाः होड़कू सुदा संगइतीरे जुमाः लगा अलोबू अड़ाःगे। मनदो मसी कुदा वेगराः बेला निचकाःतना, हनालगा अँननबू अबू अनउरबू कता बहाल होड़ेंग ञवन।


ने तितूस, जमा हातपातते नाःआ कताकूनमे चेडकू अरूम कता बहालकू अरूम सुधरावकू। मनदो तोनोंगीग आम हुडिंग ओंगोलगे लगा अहम ओवाकू।


तोनोंगीग बेगारी होड़रीग मालिक बिसवासी होड़ दोहोन दो, हाँय बिसवासी होड़ इदान अते हाँयग मालिकतेन अलोय आड-बेकारवाय। हँकुःआ बेगारी होड़कू अते नफाकू पवाःता हँकुःआ मालिककू बिसवासी होड़कू अरू दुलारतो इदनकुःआ। हनालगा बेगारी होड़कू अँननकूरिकुःआ मालिककू अनउर नपायते सेवाकू लगा इदा। दो तिमुतियूस, नाःआ जमा कताकूनमे चेडवाकू अरूकू एनेचेगोड ञवन लगाम समझावकू।


तुलात कहड़ीकून अरू खुटिपहार होड़कूराः ञाव सूची बदीराः बड़राकूनरे हँकुःआ होड़कूराः ओंगोल अलो दोहोन लगाम हुकुमवाकू। ननन इयाःआ कताकून बिसवासते होयाःता हना भगवानराः चेड इया कोवानेःआ अरू हना अते होड़कू मुरुककू अड़ा-चउकीता।


परबू ईसू मसीराः ञावते ननन इयाकुःआ होड़कू, अँनकूराः बुताकू ञेल लगा अरू नपायते बुता जोम लगा अले हुकुमवाकूता अरूले मंदरावकूता।


हनालगा नानाः कता घड़ीन अपे कता बहाल होड़ेंगगोड ञवनपे।


टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।


हनाते अले अबूरीग बिसवासी वगाबू अरू ईसू मसीराः नपाय सरवनराः परसाररे भगवानरीग सेवकिया होड़ तिमुतियूस अपेराः बिसवास एचे बड़ियाड़गे लगा अरू बिनिसवासरे सलाः लगाय कता बहालवापे लगा अपे एचेरेले वारकिरिया,


लइंकूरीग अपात आँयग लइंकू सुदाय एचेयता हनन इया अपे मेमेड होड़ले चेडतेडपेःआ अरू अपेराः इंदरी कुहकाःतेले सलसततेरा अरू अपेले कता बहालतेडपेःआ, अरूले समझावतेरा,


हाँय अलेराः हाल चाले कता उदुःवापेता अरू अपेराः जीवे कता बहालगोडता। हनालगा ईंग हाँय अपे एचेरेयिंग वारेयतना।


बेगर गइताः बुतुड़ु अहापे बुतुड़ु, मनदो अपेराः बड़रा होड़कूराः बिसवास बड़ियाड़गुः लगा संघरा एमे इदा अरू हनाते हँकू जीवरे नफाकू पवाःता।


दो नुँहू हाँय अनँयगराः गारबारे कबुलावनेना। हनालगा अपे हाँयराः गारबार अपेराः ओंगोलतेपे बराव एंडागोड अरू हाँयराः जीवपे हड़ियाड़गोड, जेमहा हाँय मुरुक बगरा अलोय अदरुजीन।


अबूराः जमा सकालाः कटसियारे भगवान अबूराः जीवे हड़ियाड़गोडता, जेमहा कटसियारे इदानकुःआ हँकुःआ होड़कूराः जीव अबू हों हड़ियाड़ अवेयबू।


ननन इया अपे नाय नपायते भगवानपे जागतान हों, अपेराः जागते एटाः होड़कू बिसवासरे मेरकू बड़ियाड़गुःता।


दो नुँहू मुरतीकून मड़ंगरे मंडावतो जोम जिनिसकून बदीरेयिंग कतायतना। मनदो अपे कतायतना, नाःआ कता बदीरे अले कनहूनदारकू इदानलेःआ, माःआन। दो नाःआ बदीरे ईंग कतायतना, कनहूनते अबू बड़वारता मनदो दुलारते अबू एटाः होड़कूबू संघरावाता।


अबू जमा बिसवासी होड़कूराः जीवरे नफा होयाः लगा अबू एटाः होड़कूबू ननाय लगा इदा, जेमहा अबू जमाकू बिसवासरेबू बड़ियाड़ जुवाः।


तोनोंगीग एटाःकू कता-बहालकू लगा दहिने पवावकियान दो हाँय कता-बाहालगोड ञवनकूय, अरू तोनोंगीग हहटिंग लगा दहिने पवावकियान दो हाँय मिनी जीवकियानखने हटिंगगोड ञवन। तोनोंगीग अगुवाइवाकू लगा दहिने पवावकियान दो हाँय, ईंगराः जिमेवारी इदा माःआन ओंगोलकेडखने अगुवाइगोड ञवन अरू मयावाकू लगा तोनोंगीग दहिने पवावकियान दो हाँय बनाहाल घड़ीने मयावाकू।


जूदा अरू सिलास भगवानराः बड़रा कता होड़किन दोहोना अरू हँकिन, बिसवासी होड़कू ईसू एचेरे एचे बड़ियाड़कू लगा मुरुककिन कता उदुःतेरा।


अरू बिसवासी होड़कू बिसवासरेकिन एचे बड़ियाड़तेडकुःआ अरू ईसू मसीरे भरसागोड ञवन लगाकिन कता बहालगोतेडकू। हँकिन कताया, अबू मुरुक कटसिया सहाव घड़ीन भगवानराः राइजरेबू बोल लगा इदा, माःआन।


हना तयोमरे एहूदिया छतररिकुःआ, गलील छतर अरू समरिया छतरराः कलसियारिकुःआ होड़कू सलसतरेकू दोहोना। अरू भगवानराः सुद बिरुवा हँकुःआ होड़कूराः जीव बड़ियाड़गोतेड अरूय कता बहालगोतेड। हँकू परबूराः अकूस मनाः घड़ीनकू दोहोना अरू मुरुक होड़कू हों बिसवासी होड़कूकू बड़ाँवनेना।


नाःआ अरू एटाः एटाः नपाय बड़रा कतातेडखन एहुना, होड़कू एचेरे नपाय सरवने कता उदुःआ।


अपे सगर दिन कता बहाल होड़ेंगगोड ञवन, जेमहा तोनोंगीग कसूररे अलोय बझाः अरू जीव अलो कटकटगुः।


दो उसूप ञावीग लेवी गोतोरीग मी होड़ होड़ दोहोना। हाँय सइपरास डुगुरीग होड़े दोहोना। हाँयराः एटाः ञाव दोहोना बरनाबास, अरू हना ञावते मूक चेलाकू हाँयकू रगेया। (नाःआ ञावराः मतलोब कता बहालगेयीग बेटात, माःआन हवे।)


Swiv nou:

Piblisite


Piblisite