1 कुरिंती 12:12 - Korwa Bible

¹² मनुवाराः मिनीटोंग देह इदा, अरू एटाः एटाः देह दगलीकून इदा। एटाः एटाः देह दगलीकूनते मी होड़राः देह बड़ाँव जुवाःता। हनन इया मसीराः देह, मतलोब कलसिया हों मिनीटोंग इदा।

1 कुरिंती 12:12 Referans Kwoze

कुलूसी 3:15

हेल-मेलरे मिनी जुमूटकियानखन, मिनी देह इया दोहोन लगा, भगवान अपेय राःकेरा। दो मसी एमेकेरा हना सलसतते, अपेराः जीव सलसत जुवाः। अरू अपे भगवानपे धनियाबादगोड ञवन।

1 कुरिंती 12:27

नुँहू अपे मसीराः देह इया इदानपेःआ अरू मेमेड होड़ हाँयराः देह दगलीकून इया इदानपेःआ।

कुलूसी 2:19

नाःआ इयाकुःआ होड़कू ईसू मसी सुदा मिनी मेरकू दोहोनता, अरू हँकू बोः अते एटाःतो देह इया इदानकुःआ। सिर अरू गेँटकूनते बोः देहराः जमा दगलीकून मिनी जुमूट दोहोगेता, हनन इया ईसू मसी हों कलसिया, आँयगराः देह, मिनी जुमूटे दोहोगेता अरू भगवान कलसियाय एचे हरागोडता।

इपीसी 4:4

भगवान अबूय राःकेडबुःआ दो अबू जीवरे मिनीटोंग असरा इदा। हनन इया अबू जमाकू मिनी देहराः दगलीकून इदानबुःआ अरू अबू जमाकू एचेरे भगवानराः सुद बिरुवा मिनीटोंग इदा।

1 कुरिंती 10:17

अबू मुरुक बगरा होड़कू इदानबुःआ। मनदो रुटी मिनीटोंग इदा। नाःआ रुटी डुंडीग हटिंगकियानखन अबू जमाकूबू जोमता। हना नाःआ उदुःता, अबू जमाकू मिनी देह इया इदानबुःआ।

इपीसी 5:30

अबू कलसियारिकुःआ होड़कू मसीराः देहराः दगलीकून हवे। हनालगा हाँय अबूय दुलारता अरूय असूलबूता।

कुलूसी 1:18

हाँय कलसियाराः बोः हवे अरू कलसिया हाँयराः देह हवे। हान हनाँयते बुँहड़ीनेना अरू गोएगतो अतेकू जियाव रेमनेना हँकुःआ होड़कू अते मनाड़ंग इनीदानिया। नाःआते हाँय जमालेःआते मनारंगे होयाःता।

इपीसी 5:23

मसी कलसियाराः बोः हवे, हनन इया मरद अइमीराः बोः हवे। कलसिया मसीराः देह हवे अरू हनाँय कलसियारीग सडावदार हवे।

इपीसी 4:12

नाःआते भगवानरिकुःआ सुद होड़कू सेवा बुता बुता लगाकू सपड़ाःता अरू मसीराः देह, मतलोब कलसिया, अरूकू बड़ियाड़ जुवाःता।

गलातिया 3:16

अपे ईंगपे अयूम, इबराहीम एचेरे अरू हाँयरिकुःआ नइड़-बाँस होड़कू अते मी होड़ एचेरे भगवान जबानतेरा। दो भगवानराः कागदरे हना जबान इबराहीमरिकुःआ मुरुक नइड़-बाँस होड़कू एचेरे मेरेय जबानगाड, मनदो मिनी होड़ एचेरेय जबानतेरा, अरू हनाँय हवे सडावदार मसी।

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

इपीसी 1:23

दो कलसिया मसीराः देह हवे अरू कलसिया हाँयराः जीवते पेरेगतो इदा। अरू हाँय अनँयग आँयगते जमाकून जमा इयाय एचे पुरावगोडता।

1 कुरिंती 12:7

जमा होड़कूके नफा होयाः लगा मेनेमेड होड़कूके सुद बिरुवा एटाः एटाः दहिनकूने एमेवाबूता।

1 कुरिंती 12:20

मनदो दगलीकून मुरुक इदा अरू देह मिनीटोंग इदा।