1 कुरिंती 1:5 - Korwa Bible

⁵ अपे ईसू मसी सुदापे मिनीयान अते भगवान अपेराः जीवे उडु-बुडूगोतेडा, जेमहा अपे नपायतेपे बुतुड़ु अवेन अरू जमा बरानाःपे बुझाव अवेन।

1 कुरिंती 1:5 Referans Kwoze

2 कुरिंती 9:11

दो भगवान अपे जमालेःआतेय उडु-बुडूगोडपेता, जेमहा अपे जमा बेला देनहारकूपे बड़ाँव अवेन। अरू अले अपेराः बिहिरीराः जरूरइत इदा हँकुःआ होड़कूले एमेवा दो हँकू भगवानकू धनियाबादता।

2 कुरिंती 8:7

अपे बिसवासरे बड़ियाड़ इदानपेःआ, नपायतेपे बुतुड़ुता अरू कनहूनदारकू इदानपेःआ। अपे जमालेःआ लगा ओसताज इदानपेःआ अरू अले मुरुकपे दुलारलेता। नाःआ जमा कताकूनरे अपे उडु-बुडू इदानपेःआ। हनन इया अपे नाःआ बिहिरी उतरावगेराः बुतारे होँपे उडु-बुडू इदीन।

कुलूसी 2:3

हनाँयग ईसू भगवानराः जमालेःआ सताय अरू कनहूने उदुःवाबूता।

पिलिपी 1:9

एटाः होड़कू लगा अपेराः अलार-दुलार बगरागोड ञवन लगायिंग अरजीतना। अपे भगवान बदीरे, अरू नपायतेपे सुदी अवेय लगा, अरू जमा सताय कताकूनपे बुझाव अवेन लगा होयिंग अरजीतना,

रूमी 15:14

ने अजी बोपोहकूतिंग, ईंग इनिंग अपे बदीरेयिंग सुसुदीतना, अपे सतायरे नपाय होड़कू इदानपेःआ अरू भगवानराः कताकून नपायतेपे सुसुदीतना अरू अँननपे अपे चेड होड़ेंग अवेनता।

एकूब 3:13

अपे अते कनहूनदार अरू सुदीगे इयायीग होड़ इये हवे? दो हँकुःआ होड़कू अँननकू अँकू हुडिंग ओंगोलकियानखन कनहून सुदा नपाय लूर-नेवनते जियाः लगा इदा।

कुलूसी 3:10

अपेराः लूर-नेवन नँवायना। अरू अपेरीग तुलादार भगवान आँयगराः लूर इया अपेराः लूर-नेवने नँवागोड ञवनता, जेमहा अपे हाँय, अनउर नाय नपायतेपे सुदी अवेय।

इपीसी 6:19

ईंग भगवानराः नपाय सरवन कताय मेला, डीड़ते हना सरवनराः ओकोत कताकूनिंग कता अवे लगा, ईंग लगा होँपे अरजी।

इपीसी 1:17

जेमहा परबू ईसू मसीरीग अगम मरंगीग अपात भगवान, अपे सेरमो देसराः कनहूने एमेवापे लगा अरू अनउर नपायते हाँयपे सुदी अवे लगा अनँयगराः कताकूने उदुःवापे।

1 कुरिंती 12:8

तोनोंगीग होड़ सुद बिरुवाते कनहूनराः सरवने कतायता, अरू तोनोंगीग होड़ सुद बिरुवाते बुझाःराः सरवने कतायता। मनदो नाःआ दहिनकून मिनीटोंग सुद बिरुवा एमेयता।

2 पतरस 3:18

मनदो अबूरीग परबू अरू सडावदार ईसू मसी अपेय मयावागोड ञवन अरू हाँयराः कनहूनरेपे बडे इदीन। हाँय लगा नुँहू अते सगर सइट वरी मान मरजइत होनोयागोड ञवन। आमीन!

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

इपीसी 2:7

जेमहा दरवाःआ हना जूगरिकुःआ होड़कू एचेरे, ईसू मसीते अबू लगा इदा अरू ओरोबू अउल-तउल अवेतेरा भगवानराः हना अलबइद मया बदीरेय एचे उदुःवाकू।

1 कुरिंती 13:2

ईंग भगवानराः बड़रायिंग कता अवे, अरू भगवानराः ओकोत कता अरू कनहून जमालेःआयिंग बुझाव अवेन, अरू पहाड़कून चलाः एंडागे इयाःआ बिसवास ईंग एचेरे इदान हों ईंग एटाः होड़कू मेरिंग दुलार दो, ईंग कही कोवायिंगा।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

1 कुरिंती 14:26

ने अजी बोपोहकूतिंग, अपे मिनीरेपे जुमाः मेला नाःआ इयापे एचेय। अपे मेमेड होड़ मेमेड होड़ एचेरे सेरेंगकून सहे, चेड सरवन सहे, भगवानराः एचे उदुःतो सरवन सहे, अनबुझ भासी सहे, अनबुझ भासीराः अरत उदुः लगा इदा दो, नाःआ जमाकूनते कलसियारिकुःआ जमा बिसवासी होड़कूराः नफा होयाः लगा इदा।

1 कुरिंती 13:8

भगवानराः बड़रा कता होड़कूराः कता चबा जुवाःता, अनबुझ भासीकू बड़राता हँकुःआ होड़कूराः बड़रा केड़े जुवाःता, कनहूनदारकूराः कनहून टुटीग जुवाःता, मनदो एटाः होड़कूय दुलारता हाँयग होड़राः दुलार कहियो ओरो टगावनेना।

1 कुरिंती 12:10

अरू एटाः होड़कू बयाव जुवाः इयाःआ बुताकून एचे लगा अरू एटाः होड़कू भगवानराः बड़रा कता होड़कू होयाः लगा सुद बिरुवा दहिन एमेवाकूता। तोनोंग तोनोंग होड़कू सुद बिरुवाराः बड़रा अरू भूतकूराः बड़रा अंदजाव लगा अरू तोनोंग तोनोंग होड़कू अनबुझ भासीकून बड़रा लगा अरू तोनोंग तोनोंग होड़कू अनबुझ भासीकूनराः अरत बुझाः लगा दहिनकू पवाःता।

1 कुरिंती 8:11

अयुमेपे! ईसू मसी नँकुःआ अबड़ जीव होड़कू लगा होंय गोएगनेना। अरू आमराः कनहूनते हँकूम आडगोडता।

रूमी 15:4

भगवानराः कागदरे मनाड़ंगते ओजाःतो इदा हना कताकून अँननबू चिडुः लगाकू ओजाःकेरा। हना सरवनते अबू सहाव घड़ीन बहालतेबू दोहो अवेनता। अरू हनालगा अबू भगवान एचेरेबू असरा अवेयता।

रूमी 11:12

भगवान इसराएल होड़कू सडावकू लगाय ओंगोलतेरा। मनदो हना अते हँकू अइठावयान अरू बेगर इसराएल होड़कू लगा नफा होयाकिया। दो इसराएल होड़कू भगवानराः सडावकू मनेवा दो हँकू अते चउंदीसरिकुःआ जमा होड़कूराः जीव अरू नपाय चिला लगा मेर होयाकुःआ?

मूक चेलाकू 2:4

हँकुःआ जमा होड़कू भगवानराः सुद बिरुवातेकू पेरेगयान अरू एटाः एटाः भासीरेकू बड़राःआ।

2 कुरिंती 6:10

अले फिकिराः होड़कू इया इदानलेःआ, मनदो जमा बेला बनाहालतेले दोहोनता, गरीब होड़ इया इदानलेःआ मनदो मुरुक होड़कूले गिरहतगोडता। अले एचेरे कहिसाः कोवानेःआ, मनदो अले एचेरे जमालेःआ इदा।