1 कुरिंती 1:14 - Korwa Bible

¹⁴ ईंग किरिसपूस अरू गायूस एकला बतिसमायिंग एमेवाडकिना अरू अपे अते तोनोंगीग ईंग बतिसमा मेरिंग ओवागाडपेःआ। हनालगा भगवानिंग धनियाबादतना।

1 कुरिंती 1:14 Referans Kwoze

मूक चेलाकू 18:8

अरजी ओड़ाःरीग हातपात होड़ किरिसपूस आँयग ओड़ाःरिकुःआ जमा होड़कू सुदा परबू ईसू एचेरेकू बिसवासतेरा। कुरिंतीरिकुःआ मुरुक बगरा होड़कू, पउलूसराः परसारकू अयूमतेरा हँकुःआ होड़कू हों परबू ईसू एचेरे बिसवासतेडखन बतिसमाकू गोःतेरा।

रूमी 16:23

गयूसराः ओड़ाःरे ईंग दोहोनता अरू नंडाकुःआ बिसवासी होड़कू हाँयराः ओड़ाःरेकू जुमाःता। हाँय अपेय सलामतना। नाःआ सहरराः आन-धानकूनराः हातपात होड़ इरासतूस अपेय सलामवातना। अरू कुवारतोस हों अपेय सलामतना।

1 तिसलूनिका 5:18

अपे जमालेःआ हाल-चालरे भगवानपे धनियाबादगोड ञवन। परबू ईसूते अपे लगा भगवानराः हिछा ननानाः इदा।

कुलूसी 3:17

अपे तोनोंगाः बुतापे बुता सहे तोनोंगाः कतापे बड़रा हना जमाकून ईसू मसी लगापे एचेय, अरू हाँयते अपांग भगवानपे जागगोड ञवन।

कुलूसी 3:15

हेल-मेलरे मिनी जुमूटकियानखन, मिनी देह इया दोहोन लगा, भगवान अपेय राःकेरा। दो मसी एमेकेरा हना सलसतते, अपेराः जीव सलसत जुवाः। अरू अपे भगवानपे धनियाबादगोड ञवन।

इपीसी 5:20

अरू परबू ईसू मसी अबू लगाय एचेकेरा हना जनामालेःआ लगा अपांग भगवान जमा बेलापे धनियाबादगोड ञवन।

2 कुरिंती 2:14

भगवान ईसू मसीते जमा बेला अबू बहालतेय एचे जितावबूता। अरू हाँय नपाय महकता हना सुनुम इयाःआ मसीराः कनहून, अबूते होड़कूय एचे सुदीगोडकूता। हनालगा भगवानिंग धनियाबादता।

1 कुरिंती 14:18

अपे जमाकू अते मुरुक अनबुझ भासीरेयिंग बड़राता। हनालागा भगवानिंग धनियाबादगेयतना।

1 कुरिंती 1:4

ईसू मसीते भगवान अपेय मयावारा। हनालगा अपे बदीरे जमा बेला भगवानिंग धनियाबादगोड ञवनता।

पिलेमोन 1:4

ने पिलेमोन, ईंग अरजीतान मेला आमिंग उहियार घड़ीन आम लगा जमा बेला ईंगरीग भगवानिंग धनियाबादता।

1 तिमुतियूस 1:12

ईंग बिसवासगेयीग होड़ ओंगोलवाडिंगखन, परबू ईसू मसी आँयगराः सेवा सेवागे लगा सुनावकिडिंगखन आँयगराः बुता बुतागे लगा जंगरे ओवाडिंगा। हनालगा हाँयिंग धनियाबादतना।

मूक चेलाकू 10:48

हँकुःआ होड़कू ईसू मसीराः ञावते बतिसमा एमे लगा पतरस हँकूय हुकुमवातेरा। हना तयोमरे हँकुःआ होड़कू पतरस अँकू सुदा तोनोंग दिन वरीय दोहोन लगाकू कतातेरा।

1 कुरिंती 1:15

नाःआ अते तोनोंगीग ओरोय बड़वार अवेनेना, ईंग पउलूसराः ञावते बतिसमायिंग गोःतेरा, माःआन।