ప్రకటన 16:6 - Konda: కొండ బాసదు నెగ్గి కబ్రు

⁶ వారు దేవుణు వందిఙ్‌ కేట ఆతి వరిఙ్‌ని దేవుణు ప్రవక్తరుఙ్‌ సప్తార్. అందెఙె వరిఙ్‌ తగ్నిలెకెండ్‌ తీర్పు తీరిసి, వరిఙ్‌ ఉండెఙ్‌ నల సిత్తిఙ్, నీను నీతినిజాయ్తిదాన్‌ తీర్పు తీరిసినికి ఆజిని”, ఇజి ఏరుదిఙ్‌ అతికారం మన్ని దేవుణు దూత వెహ్సినిక వెహ.

ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁶ ୱାର୍‌ ମାପୁରୁଦି ଲୋକାଙ୍ଗ୍‌ ମାରି ବାବବାଦିରିଙ୍ଗ୍ ଏମେ କାତ୍‌ସି ନେତେର୍‌ କିତାମାର୍ହାର୍‌, ଆକା ନିନ୍‌ ୱାରିଙ୍ଗ୍‌ ଉଟ୍‍ପିସ୍‌ କିତିମାନି । ୱାରି ପାଣି ୱାର୍‌ ପୋଇତାମାନାର୍‌ ।”

ప్రకటన 16:6 Referans Kwoze

ప్రకటన 11:18

దేవుణుదిఙ్‌ నమ్మిఇకార్‌ ఆతి యా లోకమ్‌ది లోకుర్‌ కోపమ్‌దాన్‌ నిండ్రితార్. ఎందానిఙ్‌ ఇహిఙ నీను కోపం ఆదెఙ్‌ సమయం వాతాద్. సాతి వరిఙ్‌ విజెరిఙ్‌ నీను తీర్పు తీరిస్తెఙ్‌ గడిఃయ వాతాద్. నీ పణిమణిసిరిఙ్, ప్రవక్తరిఙ్, నిఙి నమ్మిత్తి వరిఙ్, నీ పేరు వందిఙ్‌ గవ్‌రం సీజి బత్కితి ఇజిరివరిఙ్‌ని పెరివరిఙ్‌ విజేరిఙ్‌ తగితి ఇనాయం సీదెఙ్‌ గడిఃయ వాతాద్. బూమిదిఙ్‌ నాసనం కినివరిఙ్, నాసనం కిదెఙ్‌ గడిఃయ వాతాద్”.

ప్రకటన 18:24

మరి దేవుణు ప్రవక్తరిఙ్‌ సప్తివందిఙ్, దేవుణుదిఙ్‌ నమ్మితి వరిఙ్‌ సప్తి వందిఙ్, బూమి ముస్కు సప్పె ఆతి విజేరె వందిఙ్‌ బబులోను పట్నమ్‌దిఙ్‌ యా సిక్స వాతాద్‌”, ఇజి అయ దేవుణు దూత వెహ్తాన్‌.

ప్రకటన 13:15

అయ మొదొహి జంతుది బొమ్మదిఙ్‌ వర్గిదెఙ్‌ అట్నిలెకెండ్‌ పాణం సీదెఙ్‌ దన్నిఙ్‌ అతికారం దొహ్‌క్తాద్. అందెఙె బొమ్మదిఙ్‌ మాడిఃస్‌ఏండ మంజిని వరిఙ్‌ సప్తెఙ్‌బా అతికారం దొహ్‌క్త మనాద్.

ప్రకటన 13:10

ఎయెన్‌బా ఆఇ దేసెమ్‌ది వరివెట అస్పె ఆజి, ఆఇ దేసెం సొనికాన్‌ అయాలెకెండ్‌ సొనాన్‌లె. ఎయెన్‌బా కుర్దదాన్‌ సప్పె ఆదెఙ్‌ మన్నికాన్, కుర్దదాన్‌ సప్పె ఆనాన్‌లె. దేవుణు వందిఙ్‌ కేట ఆతివరి ఓర్పు, మరి దేవుణు ముస్కు వరిఙ్‌ మన్ని నమకం దన్నిదటాన్‌ తోరె ఆనాద్.

ప్రకటన 18:20

పరలోకమ్‌దు మన్నికిదెరా, అయ పట్నం నాసనం ఆతివందిఙ్‌ మీరు సర్ద ఆదు. దేవుణుదిఙ్‌ నమ్మిత్తికిదెరా, అపొస్తురు ఆతికిదెరా, దేవుణు ప్రవక్తరు ఆతికిదెరా మీరు సర్ద ఆదు, ఎందానిఙ్‌ ఇహిఙ అది ఎలాగ మిఙి తీర్పు సిత్త మనాదొ, అయాలెకెండ్‌నె దేవుణు అయ పట్నం ముస్కు తీర్పు తీరిస్త మనాన్.

ఎబ్రి 10:29

అహిఙ, దేవుణు మరిసిఙ్‌ దూసిస్తి వరిఙ్‌ ఎసొ పెరి సిక్స మనాద్. వరిఙ్‌ దేవుణు వందిఙ్‌ కేట కిత్తి నలదిఙ్‌ పణిదిఙ్‌ రెఇ లెకెండ్‌ సుడ్ఃతి వరిఙ్‌ ఎసొ పెరి సిక్స మనాద్. అయా నలనె ఒపుమానం తపిస్తాద్. కనికారం తోరొసిని దేవుణు ఆత్మదిఙ్‌ దూసిస్తి వరిఙ్‌ ఎసొ పెరి సిక్స మనాద్‌ ఇజి ఎత్తు కిదు.

మత్తయి 7:2

మీరు మహివరిఙ్‌ ఎలాగ తీర్పు కినిదెరొ అయలెకెండ్‌నె దేవుణు మిఙిబా తీర్పు వానాద్‌లె. మీరు ఇని కొల్తదానె దేవుణు మిఙిబా తీర్పు సీనాన్లె.

లూకా 12:48

ఎజుమాని ఇస్టమ్‌కు నెస్‌ఎండ, సిక్సదిఙ్‌ తగితి పణిఙ్‌ కితి వరిఙ్‌ కండెక్‌ సిక్సనె సీనాన్. ఎయెరిఙ్‌ దేవుణు నండొ సిత్త మనాండ్రొ వన్నిబాణిఙ్‌ నండొ లొస్నాన్. ఎయెన్‌బాన్‌ దేవుణు మరి నండొ ఒపజెప్త మనాండ్రొ, వన్నిబాణిఙ్‌ నండొనె లొస్నాన్.