Yakubu 5:13 - Tsikimba

¹³ Ya wa̱ri a asuvu a ɗe uza ɗa wa̱ri n ukuna u ɗa wa ɓa̱la̱ yi? She u lyai kapala n kavasu. Uza roku wa̱ri n maza̱nga̱? She u shipi ishipa i icikpali.

Yakubu 5:13 Referans Kwoze

Afisu 5:19

Shipai icun i ishipa i Kashila̱ gba̱, kpam i gbamatangu atoku a ɗe. Shipai ishipa i ucikpala Asheku n atakasuvu a ɗe gba̱.

Kagali ka Ibirahi 5:7

Aꞌayin a ɗa Yesu wa̱ri a likimba, u folo ta̱ Kashila̱ uza ɗa wa̱ri n ucira u ɗa wa̱ri wa wauwa yi a ukpa̱, u folo yi n kushen cika n meshi. Kashila̱ ka pana̱ka yi ta̱ adama a una̱ka̱ kaci ka ne u ɗa u na̱ka̱i.

Kuwene 14:3

Ama azu amangatawun n azu amangare n azu a nishi a shamgbai a kapala ka karatsu ka tsugono, kaɓolo n ili i uma i nishi yi, na̱ nkoshi mi. A ka shipa ushipa u savu u ɗa bawu uza wa fuɗa wa rotsongusu, she ele koshi. A asuvu a ama a likimba gba̱, alya aza ɗa a wutukpa̱i koshi.

Luka 22:44

Kpaci wa pana ta̱ ikyamba cika. U ma̱tsa̱i kavasu cika, hal malen ma ne ma ɗaka yavu mpasa.]

Matiyu 26:30

Aku a shipai ushipa u icikpali, pini nala, a lazai ubana a Masasa ma Zayitum.

Kuwene 7:10

A ka sala̱sa n kala̱ga̱tsu ka pige, n a dansi, “Kashila̱ ka tsunu ka n Maku ma Kondom uza ɗa u wauwa tsu, Kashila̱ ka tsunu uza ɗa wa̱ri ndishi a karatsu ka tsugono.”

1 Korintiya 14:26

Aje a va̱, aꞌayin a ɗa baci i ɓolomgbonoi ya lya kayala, u ka̱na̱ ta̱ i yain ili adama a ɗa wa lobono uza ɗa baci dem wa̱ri pini. Nala wa̱ri uza roku u shipa baci, ko wa wenishike, ko u dansa ili iꞌya Kashila̱ ka danai, ko u dansa n aletsu kau‑kau, ko u toɗugbo ili iꞌya vuma vi u danai.

Luka 23:42

U danai, “Yesu, kotsu vu ciɓa na̱ mpa aꞌayin a ɗa baci vu uwai a tsugono tsu vunu.”

1 Korintiya 14:15

Ndya ma yan? Ma yan ta̱ iꞌya gba̱. Ma yan ta̱ kavasu a kulu, kpam ma yan ta̱ kavasu n kadyanshi ka n revei. Ma shipa ta̱ a kulu, kpam ma shipa ta̱ n kadyanshi ka n revei.

Yakubu 5:10

Atoku a va̱, kondoi ve tyoku ɗa ntsumate aza ɗa a tsu yan kadyanshi ka Kashila̱ n ucira u kala ka ne. Alya iryoci i ama ɗa a panai ikyamba.