Matiyu 23:5 - Tsikimba

⁵ “A tsu yan ta̱ ili i shinga tsa̱ra̱ ama a wene le. Kpam ya dem u tsu sira ta̱ alawu a ɗa aꞌa̱ri n Kadyanshi ka Kashila̱, shegai alawu a Afarishi a la ta̱ ugbonguro. Ikali iꞌya iꞌa̱ri a ikengi i aminya a le i la ta̱ dem ugbonguro.

Matiyu 23:5 Referans Kwoze

Yahaya 12:43

A tsu la ta̱ uciga icikpali i ama kapala n icikpali i Kashila̱.

Filibi 2:3

Kotsu i yain ili adama a uciga u kaci wa, kpam kotsu i yain ili adama a ara̱ɗi wa. Shegai aꞌayin a ɗa baci dem ya yan ili i gonuko kaci ka ɗe kenu, i yawunsa uza roku u ɗa pini uza ɗa u la ɗa̱.

Yahaya 5:44

I tsu ciga ta̱ icikpali a asu u atoku a ɗe, shegai i tsu dambula i zami icikpali i Kashila̱ wa. Niɗa ya wushuku na̱ mpa?

Luka 16:15

U tonuko le, “Eɗa̱ i tsu gonuko ta̱ kaci ka ɗe ama a ɗa aꞌa̱ri dere a aꞌeshi a ama. Shegai Kashila̱ ka reve ta̱ atakasuvu a ɗe. Ili iꞌya ama a bidyai n tsupige cika, ili i icaɗi iꞌya a kapala ka Kashila̱.”

Luka 20:47

Alya a lyai ucanga u nra̱na̱, n a yanyi kavasu ka ugaɗi adama a ukimbusa̱ u aꞌeshi. Icun i ama a nala yi, a ka yan le ta̱ mavura cika.”

Filibi 1:15

Aza roku a ɗa pini adama a ɗa a ka ciga mu ɗa a ka yansa kuɓari, kpam a ka ciga a yain ukuna u ɗa wa̱ri dere. Ama a na yi a ka yansa ta̱ kuɓari an a revei Asheku a ɗa a tuko mu pini na vi tsa̱ra̱ n moɗono n dana ili iꞌya iꞌa̱ri dere i Kadyanshi ka Shinga. Kpam mayun ɗa wa̱ri aza roku a ɗa pini aza ɗa a ka yansa kuɓari n malyon n tsilala.

Yahaya 7:18

Aza ɗa a tsu wenishike n ucira u kaci u le, icikpali i ama iꞌya a tsu bolo. Shegai uza ɗa u tsu ciga a cikpala uza ɗa u suku yi, ukuna u mayun u ɗa u tsu dansa. U tsu yan kaɓan wa.

Matiyu 9:20

Uka ɗa wa la̱la̱ mpasa hal ayen kupa n a re u tuwa̱i a kucina̱ ku Yesu, aku u sawai kaletsu ka kunya ku ne.

2 Tasaloniya 2:4

Wa gonuko ta̱ kaci ka ne uzapige, aku u bidya kaci ka ne u la ta̱ kameli, ko kpam ili iꞌya a ka lyaka kayala. Hal gba̱m u tsu uwa ta̱ a Kuwa ku Kashila̱, n u dansi karara aya Kashila̱.