Matiyu 13:15 - Tsikimba

¹⁵ Kpaci atakasuvu a le a gbama ɗe, atsuvu a le kpam a ka pana wa. A kimba̱ ɗe aꞌeshi a le tsa̱ra̱ a wene wa, kpam tsa̱ra̱ atsuvu a le a pana wa. Kpam atakasuvu a le a ka reve wa, bele a kpatala ara va̱ n ta̱na̱sa̱ le.’

Matiyu 13:15 Referans Kwoze

Marku 4:12

adama ‘A uwene n aꞌeshi a ka wene ta̱, shegai a ka reve ili iꞌya a wenei wa. A upana kpam a ka pana ta̱, shegai a ka reve wa, ka wa a ka yira̱la̱kpa̱ ta̱ Kashila̱ ka cimbusuka̱ le unyushi u le.’ ”

Kagali ka Ibirahi 5:11

Tsa̱ ta̱ n ili ushani iꞌya tsa dana a kaci ka ili i na yi, shegai wa wuyana ta̱ ukasana, an u wokoi i tsu bidya ukuna go wa.

2 Timoti 4:4

Ama a na yi a ka ꞌyuwan ta̱ ukuna u mayun, aku a gonuko ugboji u le a asu u upana alabari a kpawawa.

Asuki 7:57

Aku a salai a palai atsuvu a le, kute‑kute a ka̱na̱ yi.

Kuwene 22:2

Ma yenei a mere ma ure u ilyuci vi. Nɗanga n ɗa n tsu matsa mmuku n ɗa n tsu na̱ka̱ uma n gbonguroi pini a apashi a re gba̱ a aga̱ta̱ yi. Kayen dem a tsu matsa ta̱ ilimaci kupa n u re; wata, kuten a uwoto. Ama a likimba a tsu yanka ta̱ avuku a le aguma̱ a ta̱na̱sa̱ mɓa̱la̱.

Asuki 3:19

Adama a nala kpatalai i a̱sa̱ka̱ unyushi u cingi u ɗe, i gono a asu u Kashila̱, tsa̱ra̱ a cimbusuka̱ ɗa̱ unyushi u cingi u ɗe gba̱, Magono ma Zuba kpam ma na̱ka̱ ta̱ atakasuvu a ɗe uwunvuga.

Luka 19:42

U danai, “Aꞌa̱ri a dana vu reve ili iꞌya ya tuko ndishi n shinga, shegai gogo‑na iꞌa̱ ta̱ usokongi ara vunu.

Asuki 28:27

Kpaci atakasuvu a ɗe a gbama ɗe, a votsuku ɗe atsuvu a ɗe, a kimba̱ ɗe aꞌeshi a ɗe. Tsa̱ra̱ i wene n aꞌeshi a ɗe wa, i pana n atsuvu a ɗe wa, kpam i reve n atakasuvu a ɗe wa. A da baci nala wa, iꞌa̱ri ya kpatala ta̱ utuwa̱ ara va̱ aku n ta̱na̱sa̱ ɗa̱.’