Marku 8:29 - Tsikimba

²⁹ Aku u wece le, “Eɗa̱ tani ya ya dansa ma̱ri?” Bituru wushunki yi, “Avu Kawauwi ka.”

Marku 8:29 Referans Kwoze

1 Yahaya 4:15

Uza roku u dana baci Yesu Maku ma Kashila̱ ma, wa̱ ta̱ kaɓolo kpam ili i te n Kashila̱, Kashila̱ kpam ka̱ ta̱ kaɓolo kpam ili i te n eyi.

1 Yahaya 5:1

Gba̱ uza ɗa baci wushuki Yesu Kirisiti Kawauwi ka, vuma u nala vi maku ma Kashila̱ ma. Kpam uza ɗa baci wa ciga Tata, wa ciga ta̱ la vi mmuku n ne.

Yahaya 11:27

U danai, “N wushuku ta̱, Asheku. Aɗa Kawauwi, Maku ma Kashila̱, uza ɗa wa tuwa̱ a likimba vi.”

Luka 9:20

U wece le, “Eɗa̱ tani ya ya dansa ma̱ri?” Aku Bituru wushuki, “Avu Kawauwi ka, uza ɗa Kashila̱ ka suki.”

Asuki 9:20

A ɓa̱ra̱kpa̱ wa, aku u gita̱i kuɓari ku kadyanshi ka Kashila̱ a agata a Kashila̱ n u dansi Yesu ɗa Maku ma Kashila̱.

Yahaya 4:42

A tonukoi uka vi, “A kagita̱ tsu wushuku ta̱ n Yesu adama a ili iꞌya vu tonuko tsu, shegai gogo‑na tsu wushuku ta̱ adama a ɗa tsu pana̱ka yi n kaci ka tsunu. Tsu reve ta̱ vuma u na vi aya Kawauwi ka likimba.”

1 Bituru 2:7

Mayun ɗa, aya macigi ma ɗe, eɗa̱ aza ɗa i wushuki n eyi. Shegai aza ɗa a ꞌyuwan yi, “Katali ka aza a kuma a ꞌyuwain ka ka lakai cika a asu u kuma.”

Yahaya 6:69

Tsu wushuku ta̱ kpam tsu reve ta̱ aɗa Uza u Uwulukpi u Kashila̱.”

Asuki 8:36

Ele pini a nwalu a cinai asu u roku n mini. Pini nala, vuma vi u danai, “Mini ma na, ndya ya ɓishinka vu vu lyuɓugu mu?” [

Marku 4:11

U tonuko le, “Ili iꞌya a sokongi i tsugono tsu Kashila̱ a wenike ɗa̱ iꞌya ɗe. Shegai aza ɗa bawu aꞌa̱ri a asuvu a ɗe n agisani a ɗa a ka pana ko ndya wa,

Yahaya 6:68

Simo Bituru wushuki, “Asheku, ara yai ɗa tsa laza ubana? Va̱ ta̱ n kadyanshi ka ka na̱ka̱ uma u ɗa bawu wa̱ri n utyoku.