Marku 15:14 - Tsikimba

¹⁴ U wece le, “Adama a iyen, ili i cingi i eni iꞌya u yain?” Shegai ama yi a lapulai a worukpoi, a danai, “A wandamgbana yi.”

Marku 15:14 Referans Kwoze

Luka 23:41

A̱tsu tani dere ɗa tsa wusha katsupi ka manyan ma tsunu, shegai vuma u na ko ili i cingi i te u yan wa.”

1 Bituru 1:19

U tsupuka ɗa̱ ta̱ na̱ mpasa n Yesu Kawauwi n ɗa ma̱ri n kalen cika. Aya Maku ma Kondom ma Kashila̱† uza ɗa bawu u nusukai ko uza, kpam wa̱ n ashinda̱ wa, ko kenu.

Kagali ka Ibirahi 7:26

Yesu ɗa icun i Magono ma Aɗara̱kpi ma tsa ciga, kpaci u tsu ɓa̱nga̱ tsu ta̱ a ure gba̱. Ili iꞌya u tsu yan i tsu zuwa ta̱ Kashila̱ ka pana kayanyan. Wa̱ n unyushi wa. Kashila̱ ka pecene yi ta̱ n ama a likimba aza a unyushi u cingi. U na̱ka̱ yi asu u ɗa u lakai tsupige gba̱ gba̱ a zuba.

Asuki 19:34

Shegai an a revei eyi uza u Yahuda u ɗa, aku a ꞌya̱nga̱sa̱i ala̱ga̱tsu a danai, “Tsupige she Aritima kameli.” Aꞌa̱ri uyansa nala hal ulapa u uwule u re.

Yahaya 19:6

An aɗara̱kpi a pige n aza a uwundya u Kuwa ku Kashila̱ a wene yi, aku a salai, “Wandamgbana ni! Wandamgbana ni!” Shegai Bilatu wushunku le, “Eɗa̱ bidya ni i ba i wandamgbana. N tsa̱ra̱ yi n unyushi u ɗa u rawai n wuna yi wa.”

Yahaya 18:38

Bilatu wece yi, “Ndya ukuna u mayun vi?” An Bilatu danai nala, aku u lazai ubana a asu u aza a Yahuda yi u tonuko le, “Vuma u na u yan ili i roku iꞌya i rawai ma dana, ‘U ka̱na̱ ta̱ u kuwa̱’ wa.

Luka 23:47

An katigi ka wenei ili iꞌya i gita̱i u cikpalai Kashila̱, u da, “Vuma u na, mayun ili i birika yi wa.”

Luka 23:21

Shegai a worukpoi n a dansi, “Wandamgbana yi! Wandamgbana yi!”

Luka 23:4

Bilatu tonukoi aɗara̱kpi a pige yi n kakuma̱ ka ama ki, “N tsa̱ra̱ vuma u na vi n unyushi wa.”

Matiyu 27:54

An katigi ka asoje n asoje a ɗa aꞌa̱ri kaɓolo n eyi a wenei iyamba i gba̱ɗa̱i n ili iꞌya i gita̱sa̱i, aku a panai uwonvo, a danai, “Mayun ɗa, Vuma u na Maku ma Kashila̱ ma!”

Matiyu 27:19

Gomuna vi pini ndishi a asu u afada, aku uka u ne sukunku yi akani, u danai: “Kotsu vu yanka vuma u nala vi ili wa, kpaci u yan ili i roku i cingi wa. N yan ta̱ alavutanshi a kaci ka ne ara, kpam a ɗa a foro mu ta̱ cika.”

Matiyu 27:4

U danai, “Unyushi u ɗa n yain u ɗa na: N na̱ka̱ ɗa̱ vuma ɗa bawu wa̱ri n unyushi u cingi tsa̱ra̱ i wuna yi.” Aku a wushuki, “Ndya i birika tsu? Ukuna u vunu u ɗa nala vi.”

Marku 15:13

Ama a worukpoi a danai, “A wandamgbana yi.”

Marku 15:15

An Bilatu wa ciga ama a pana kayanyan ka ne, aku u wutumkpa̱ le Baraba. U zuwai a bawain Yesu, aku u na̱ka̱ le a ba a wandamgbana yi.

Asuki 13:28

A yan ta̱ dere ili iꞌya tagara̱da u Kashila̱ u danai. Ko an u wokoi a tsa̱ra̱ unyushi u ɗa a ka wuna yi wa, gba̱ n nala a tonukoi Bilatu Gomuna u wandamgbana yi. “An u kuwa̱i, aku a cipuka̱ yi a mawandamgbani mi a uka yi a kasaun.