Luka 21:25 - Tsikimba

²⁵ Yesu doku u danai, “A ka wene ta̱ iryoci a kaara n uwoto n atala. A likimba kpam, aletsu a ama a ka dambula ta̱ cika. A dambula cika adama a mawura̱ ma kushiva̱ n aɓali.

Luka 21:25 Referans Kwoze

Kuwene 20:11

N wenei karatsu ka tsugono ka pun ka pige, aku n wenei uza ɗa wa̱ri ndishi pini vi. An u wenikei kaci ka ne, aku likimba n zuba a puwa̱in kpam ko uza u doku u wene le wa.

Asuki 2:19

Ma wenike ta̱ ikunesavu a zuba u alishi, n iryoci i savu a likimba; wata, mpasa n akina, n ka̱nga̱ ka alishi.

Marku 13:26

Aꞌayin a nala a ɗa a ka wene Maku ma Vuma ma tuwa̱ a asuvu a alishi, n ucira u pige u tsugono.

Marku 13:24

“Shegai aꞌayin a upana u ikyamba a nala a wura baci, kaara ka lima̱na̱ ta̱, uwoto tani wa na̱ka̱ katyashi wa.

Matiyu 24:29

“Aꞌayin a ɗa baci upana u ikyamba u nala u kotsoi, kute‑kute “ ‘Kaara ka kimba̱ ta̱, kpam uwoto wa doku wa na̱ka̱ katyashi wa. Atala a ka rukpusa̱ ta̱, a ka gba̱ɗa̱ ta̱ kpam ili i pige i pige iꞌya iꞌa̱ri u zuba.’

Marku 15:33

N kaara a kaci, aku uyamba vi gba̱ u likpa̱mgba̱na̱i n karimbi hal ubana ulapa uwule u tatsu.

Matiyu 27:45

An kaara ka rawai a kaci, aku uyamba vi gba̱ u likpa̱mgba̱na̱i n karimbi hal ubana ulapa uwule u tatsu.

Luka 21:24

A ka wuna ta̱ aza roku n iburundu, a ka̱na̱sa̱ kpam aza roku a bansa̱ka le a asu u tsugbashi a iyamba i likimba. Awulawa kpam a ka kpatsa ta̱ Urishelima hal aꞌayin a Awulawa a shaɗangu.

Luka 21:26

Ama a ka limusa̱ ta̱ adama a uwonvo, n a pani uwonvo u ili iꞌya ya gita̱sa̱ a likimba. Kpaci a ka gba̱ɗa̱ ta̱ ili i pige i pige iꞌya iꞌa̱ri a zuba.