1 Bituru 4:8 - Tsikimba

⁸ Gba̱ ili iꞌya gba̱m i lakai kalen iꞌya, i lyai kelime n i weniki atoku a ɗe uciga u maci. Ili iꞌya kpam i zuwai iꞌya, ya cimbusuka̱ ta̱ gba̱ ikuna i cingi i kakuma̱ iꞌya a ka yansa̱ka ɗa̱.

1 Bituru 4:8 Referans Kwoze

Kolosi 3:14

Kunya ka ku lakai kalen ka ya uka, ka uciga. Uciga u ɓolomgbono tsu ta̱ gba̱ kpam u zuwa tsu tsu rongo kaɓolo mai.

1 Bituru 1:22

Gogo‑na u gan ta̱ i cigi atoku a ɗe n uciga u mayun, tyoku ɗa aza ɗa aꞌa̱ri ilimaci i te a tsu cigamgbana. A wulukpe ɗa̱ ta̱ an i wushuki n Kadyanshi ka Shinga, ukuna u maci u ɗa. Adama a nala, i cigamgbana cika, n ucira u atakasuvu a ɗe.

Yakubu 5:20

U gan ta̱ i reve mai, uza ɗa baci u gonukoi uza u unyushi u cingi a ure u maci u a̱sa̱ka̱i tsicingi tsu ne, vuma u nala vi u wauwa yi ta̱ a asuvu a ukpa̱, adama a nala a ka cimbusuka̱ yi ta̱ unyushi u cingi ushani.

1 Korintiya 13:1

N dansa baci n aletsu a ama, ko kpam n kaletsu ka atsumate a zuba, shegai bawu ma ciga ama, kadyanshi ka va̱ ka rotso ta̱ mawura̱ ma ulapa u urim, ko kpam mawura̱ ma kalingi.

1 Tasaloniya 3:12

Tsa ciga ta̱ Asheku a zuwa uciga u ɗe u gbonguro cika hal n i cigamgbani kpam i cigi gba̱ ama, tyoku ɗa dem a̱tsu tsa ciga ɗa̱ cika.

Kagali ka Ibirahi 13:1

Lyayi kelime n i cigi atoku n uciga u Kawauwi.

1 Timoti 1:5

Ili iꞌya i zuwai va tonuko le nala iꞌya, tsa̱ra̱ ko ya baci wa̱ri pini a asuvu vi u yain n uciga u ɗa u tsu wuta̱ a katakasuvu ka shinga n uyawunsa u ndishi n shinga kpam n upityanangu u ɗa wa̱ri u mayun.

2 Tasaloniya 1:3

Ama a va̱, u gan ta̱ an kain dem tsu tsu cikpa Kashila̱ adama a ɗe. Tsu tsu cikpa ta̱ an upityanangu u ɗe wa̱ri a ugbonguro maco kpam ya dem a asuvu a ɗe wa̱ ta̱ a udoku uciga utoku.

3 Yahaya 1:2

Kaje ka va̱, kavasu ka va̱ ka ko ndya wa i vunu ya wala ta̱ mai, kpam ikyamba i vunu iꞌa̱ ta̱ n alafiya tyoku ɗa uma u vunu wa̱ri n alafiya.

Yakubu 5:12

Ama a va̱, wa̱ ta̱ n kalen cika, i ꞌyuwan utsina n i yanyi kazuwamgbani n i isa̱si zuba. Kotsu i yain nala n isa̱si likimba wa, kotsu dem i yain nala n i isa̱si ili i roku wa. Ili iꞌya i gain i yain iꞌya i dana “eye” ko “aꞌa” koshi, i yan baci nala ya yan unyushi u cingi, ko a kiɗa̱ga ɗa̱ ugana wa.

1 Korintiya 13:4

Uciga wa̱ ta̱ n ahankuri n tsulobo. Uciga wa̱ri n malyon wa. Uciga u tsu dansa n ara̱ɗi wa. U tsu bidiga kaci ka ne tsupige wa.