Vitendo 9:41 - Ibibiliya mu Shimakonde Imbodi Yaambi na dimbande dya Imbodi Yakala

⁴¹ Nae kunkamula nkono ampwashela pakulota aimile kutwala kuvashema vanamwili pamo na vakwilimyanga kuvalodya Tabita mumi.

Vitendo 9:41 Referans Kwoze

Vitendo 6:1

Napanelo muwakati washishaanjadyeka shipinga shavakwoda, avalá váshitangola shigalegu vashindavatangadikanga vabalaniya mwaa vanamwili vave vashindalivalivigwa mulipwashalelo lyakula liduva.

Malukushi 1:31

Nae kumuukila aijá nnwele kunkamula nkono, kuntakatuwa, nnwele jo kupona kutwala kutunduvanga kuvatumikila.

Vitendo 20:12

Vakwoda avalá vaníntwala nnemba aijá àvele mumi. Shitendo ashi shindívapa ntima shii namene.

Vitendo 3:7

Patulu kunkamula nkanakono kumwimidya kutwala munu jo madodo ake na malundi, kuliimiliyangidyanneu.

Lukashi 7:15

Maiti apalá takatuku, ngoo, kutunduvanginneu kutangola nae kuntwala kumwing'a mwene anyoke.

Lukashi 7:12

Akawike pashengo likaja, mwe! Vanu kwaloka vànyukete maiti; maiti ala avele amwana nnume avéle jumo jojo. Mwene nkúvaleka avele nkongwe namwili na imbumba yavanu vapalikaja ishinampalakela.

Vitendo 9:13

Ananiya do, “Umu, nangu munu aju ndivaigwanga vanu voe vammalanganga ukalau wake wavatandile nae vakwilimyanga vako ku Yelusalemu.

Vitendo 9:32

Napanelo Patulu pashipita awanawananga kula kushinu momo andyálela kuka ndavalola vakwilimyanga váshipagwa pa Lida.

I Timoti 5:3

Vaishimu vanamwili avalá vanamwili mwiu mwiu vákave pashinu.

I Timoti 5:5

Napane namwili wiu ákave pashinu aijá ávele bai gweka yake, ankuvanavo lilindilililo lyake kumwe Nnungu na ankuka mushu mukujugwangila na mukushwali shilo na mui.