Vitendo 9:39 - Ibibiliya mu Shimakonde Imbodi Yaambi na dimbande dya Imbodi Yakala

³⁹ Bai Patulu andyúka namu vanavo. Akawike, vaníntwala kumuukanavo mushumba shapashanya ulungu kutwala vanamwili uti kuntang'anedya valila na vannodya vyakulijalangila vyakuvilingananga vyakandyénge Dolakashi pavéle mumi.

Vitendo 9:39 Referans Kwoze

I Vateshalonika 1:3

tukumbukila pamevo pamwe Nnungu, jo Tatagwetu, madengo enu alikulupililo, kulikanyalidya kwenu kwalinagwaledyo na kunanopa kwenu kwalilindilililo kumwe Umu Yesu Klistu

Vaepeshu 4:28

Áshiva, hanaive kavili ila akole madengo atenda shinu shambone kwamakono ake pakulota dashi, apate ashilá shakumpwashela aijá ákave pashinu.

I Nshuwau 3:18

Mmanavangu, hatunanagwaledye kwalilove na kwapakanywa kanji muvitendo na muumwiu.

I Vateshalonika 4:13

Napanelo hatunalota shinu mutikinange mmanung'unumunu kwamwaa wa avalá valéle kwambangidya hamunavenavo shipalodi kenga avalá vanji vákave lilindilililo.

II Vakolintu 8:12

Mwaa ikapagwa dukuduku, nshango unkukubaligwa kwodananavo ashilá shavenavo munu i shakavenavo.

Vitendo 20:35

Kula shinu shangutandile, ninnodya mwenu kenga kwaindila yashimadengo shikumene shatutenda indituvaikila tuvapwashele vákalyulula tukumbukila malove atangwele jo mwene Umu Yesu aashidoni, ‘Wakwalaligwa ni aijá áing'a kuliko ápwashalela.’ ”

Vitendo 9:41

Nae kunkamula nkono ampwashela pakulota aimile kutwala kuvashema vanamwili pamo na vakwilimyanga kuvalodya Tabita mumi.

Vitendo 8:2

Vanu vakunjopa Nnungu vandítwala mili umwe Shiteva kuka ndashika na vanínnilila namene.

Vitendo 6:1

Napanelo muwakati washishaanjadyeka shipinga shavakwoda, avalá váshitangola shigalegu vashindavatangadikanga vabalaniya mwaa vanamwili vave vashindalivalivigwa mulipwashalelo lyakula liduva.

Nshuwau 17:12

Nangu pangushipagwa namu vanavo, ndivashunga mulina lyako, lina lyo lyaungupele. Ndivalaledya, hapali ata jumo ájaike. Ajaiké aijá wavampangidile kubamalegwa kwambangidya awikile popo Maandiko.

Nshuwau 12:8

Vamashikini vo mundapagwanavo ngwengwe, napane nangu namu mwenu ngwengwe hangupagwa.”

Lukashi 24:44

Kutwala kuvaulila doni, “Vitandéke avi ni avilá vyanishipita nimmalangangila mwenu tùvele shalumo kenga indivaikila vinu uti vyandikígwe mu Lilamulo lyake Musha, mu Vakulava na mu Dimu vingwámba nangu, vitandeke.”

Malukushi 14:8

Nae atandilé shaulwile. Apakilé kaladavo mauta mumili wangu apanganianga mashiko angu.

Mateu 26:11

Vákave pashinu vo, ngwengwe mundapagwanavo napane nangu, hangupagwa ngwengwe namu mwenu.

Mateu 17:17

Yesu kutwala kushidoni, “Mmanu mmaimbula íkakulupila na yakudumbadumba! Da nangu ndapagwa namu mwenu mpaka duvani? Nannaga mwenu mpaka duvani? Mwidenavo apa ndyoko jo!”

Vitendo 1:13

Vanu avo, yani Patulu, Nshuwau, Tiyagu namu Andaleya, kwida Pilipo, Tome, Balutolomeu namu Mateu, kwatika Tiyagu mwanagwe Alupeu, Simoni aijá Shelote namu Yudashi mwanagwe Tiyagu, pavawikile nkaja amulá vandyúka ndainjila mushumba shavawikidíle shapashanya ulungu.

I Timoti 5:3

Vaishimu vanamwili avalá vanamwili mwiu mwiu vákave pashinu.

I Timoti 5:5

Napane namwili wiu ákave pashinu aijá ávele bai gweka yake, ankuvanavo lilindilililo lyake kumwe Nnungu na ankuka mushu mukujugwangila na mukushwali shilo na mui.