Vitendo 8:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Kanji Pilipo pavalangenge ntenga wambone wautawala wa Nnungu na yalina limwe Yesu Klistu, valume na vakongwe vashindapata ubatisho.

Vitendo 8:12 Referans Kwoze

Vitendo 2:38

Patulu kushidoni, “Lijugulange na kula munu apate ubatisho palina limwe Yesu Klistu kwakulivalivigwa kwamadambi enu na mundapata inudyo ya Imumu Wanashwe.

Vitendo 1:3

Ling'oto lyakupela nae andidyuka na andililodya myanda vyoe kumili kwave na vimanyikilo víkave ntau vyakulilodya nae kuva mumi. Vanavo vandyonanavo muwakati wamaduva alubaini avavalangangila ing'ano yautawala wa Nnungu.

Mateu 28:19

Napavedoni wena mukavatadye vanu vave vakwoda vangu muvenentete uti muvabatisha palina lya Tata, lya Mwana na lya Imumu Wanashwe

I Patulu 3:21

Nadoni ashi ni shimanyikilo shaubatisho umwambóla mwenu ambi apa, wanavo haunaushanianga shinu ushapu washimunu ila ni kulijugwangila kwamakumbukililo ambone amuntima pamevo pake Nnungu kwaindila yakudyuka kwake Yesu Klistu

Vitendo 2:41

Napanelo vanu avalá vapakadíle lilove lyake vandípata ubatisho; muliduva alyo vandílyunganianga kwavakwoda vanu vakuwikila shikonda shavanu dyalupu nnatu.

Vagalata 3:28

Hapali muyuda na ata ngalegu, ntumwa na ata wamuunaiti, nnume kwali nkongwe mwaa uti mwenu ni munu jumo mumwe Klistu Yesu.

Valoma 10:10

Doni, kwa wo ntima, munu anakulupila kutwala kupata ishaliya na kwa yo ikanywa, munu andaang'ula kutwala kwambolegwa.

I Vakolintu 11:11

Kanji napane nkati mumwe Umu nkongwe i shinu bila nnume na ata nnume i shinu bila nkongwe.

Vitendo 28:31

avalanganga utawala wa Nnungu na apundisha uti vimwámba Umu Yesu Klistu kwantima shii uti na kwabila kundingadinga shinu.

Vitendo 20:25

“Napanelo lola, nangu apa ndimanya doni pakati penu mwenu wanimmalangangidile utawala, hapali ata jumo álota kwona kavili ing'ope yangu.

Vitendo 20:21

ngumya ushuda kwavayuda na kwavamidi wakulijugulanga madambi kwa Nnungu na walikulupililo nkati mumwe Umu wetu Yesu.

Vitendo 18:8

Napane Klishipu nanangalaledi wapashitala shakulipudidya anínkulupila Umu pamo na vanu uti vapaing'ande pake. Namomo vakolintu voe vakaigwe vyashitangola, vandíkulupila na vandípata ubatisho.

Vitendo 11:20

Kanji vakwoda vanji va ku Kupulu na va ku Shilene vakawike pa Antiyokiya, vandítangonavo vagalegu vavavalangangila ntenga wambone umwe Umu Yesu.

Vitendo 5:14

Bai dimbumba dyavalume na dyavakongwe díshinkulupila Umu dishindaanjadyeka namene.

Lukashi 9:60

Yesu, “Valeke vakupela vashikane shivenevene kanji wako apa, wena uvalanganga utawala wa Nnungu.”

Lukashi 9:2

kutwala kuvatuma vauke vavalanganga ntenga wautawala wa Nnungu na vaponia vilwele.

Vitendo 8:4

Napanelo avalá vamwadilikanénge vashindauka vavalanganga lilove.

Vitendo 19:5

Bai vanu ve vaigwíte malove alo, vandípata ubatisho palina limwe Umu Yesu.