Vitendo 8:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Bai Saulu andyúngila nkono ing'ano yakumpedya kwake. Napanelo kutunduvangila muliduva lyolyo, shindyúmilila shititimbu shakupapatigwa liganisha, yani shipinga shavakwoda váshipagwa pa Yelusalemu. Nadoni vakwoda vandívamwadikanianga pa Yelusalemu vanavo kutukutila mumakaja a ku Yudeya na a ku Shamaliya kanji vamyombe vandíijalila pa Yelusalemu.

Vitendo 8:1 Referans Kwoze

Vitendo 22:20

Namomo pavashimuumadyanga myadi Shiteva nshuda wako wako, nangu ndípagwa popo na ndyúngila nkono shitendo asho na ata makoti avalyulénge vanu váshikukula apo vammyaa, ngukamulidile nangu nimwene.’

Vitendo 7:58

kungang'alangidya kunyenje likaja kutwala kumwamanga majanga. Vashuda vapagwíte apo, vandyúlanga makoti ave kunkamudya nnemba jumo walina Saulu.

Vitendo 5:40

Nadoni vakavashema vamyombe avalá vakavashapa viboko kutwala kuvaduma havanatangole palina limwe Yesu na kuvaleka vauke.

Vitendo 5:33

Napane vanavo pavaigwite malove alo, vandínyanyamukanga kulota kulamulila kuvovya shingumi.

Vitendo 1:8

kanji mwenu mundapata dimongo dya Imumu Wanashwe álota kumwidila na mwemwe mundava mmashuda vangu kutunduvangila pa Yelusalemu, ku Yudeya, ku Shamaliya mpaka mwisho washilambo.”

Vitendo 8:14

Napanelo vyamyombe vapagwíte pa Yelusalemu pavigwite doni ku Shamaliya vanu vandiitikila lilove lya Nnungu, vaníntumidya Patulu namu Nshuwau koko.

Vitendo 9:31

Bai liganisha lya ku Yudeya, lya ku Galileya na lya ku Shamaliya lindívanavo amani na lishindaliimiliyanga; linama mukunjopa Umu na mukumpambadyangigwa kwa Imumu Wanashwe, lyanavo lishindaanjadyeka.

Vitendo 8:4

Napanelo avalá vamwadilikanénge vashindauka vavalanganga lilove.

Nshuwau 15:20

Kumbukila malove animwaulidile, ‘Ntumika hanampunda nang'olo wake.’ Ikava kenga vaningupapata, namwenu momo vanampapata na ikava kenga vandiigwilila lilove lyangu, namwenu momo lyenu lyo, vandaigwilila.

Vabalaniya 11:27

Kwalikulupililo andyúma mushilambo sha ku Mishili kwabila kujopa shitundi shimwe umu mwaa andínanopa kenga ángwene aijá ákaaneka.

Vapilipo 1:12

Ngulota mmanung'unumunu mumanye doni avilá vingutandéke, kwakutangola mwiu vyanavo vindipwashela kwandadya ntenga wambone

Vitendo 13:1

Napanelo paliganisha lya pa Antiyokiya vandípagwa vakulava na vamwalimu kenga ava: Balinaba, Shimiyau áshimanyika kwalina lya Wakudimba, Lushiu wa ku Shilene, Manaeni munu ákulumwike pamo namu umu Elode na kupagwa Saulu.

Vitendo 7:38

Ni jo Musha apagwíte mushipinga shavanakuluvetu kushimbweshe na njelo andítangola namu nae pamo na vanakuluvetu palishinga lya Shinai; nae ni ápwashaladile malove mangumi akutupa wetu.

Vitendo 5:20

“Wena mukalilodye kwing'ande ya Nnungu mukavape venentete malove a Shingumi ashi.”

Vitendo 5:18

Nadoni vandívakamula vamyombe kuka ndavajela nkalaboshi yankaja amo.

Vitendo 2:47

vantumbyanga Nnungu na vavanavo litananilo kwavenentete uti. Bai liduva kwaliduva Umu ashindavaanjadyedya vanu vakwambolegwa.

Nshuwau 16:2

Mwenu mundavingigwa muvitala vyakulipudidya; leka apo, wakati unkuwika umwe aijá álota kummyaa mwenu andona kenga alipudya kwa Nnungu.

Mateu 23:34

Napavedoni nangu ninkuntumididya mwenu vakulava, vanu valimanyilo na vamwalimu. Napane mwenu vovo vo, vanji mundavabyaa, vanji kuvapambilila, vanji muvitala vyenu vyakulipudidya kuvashapa viboko na vovo vo, kula likaja mundavalumbata.

Mateu 22:6

Napane vanji vo kuvakamula vatumika vo kuvakamanga na kuvabyaa.

Mateu 5:13

“Mwenu ni munyu wamushilambo, napane munyu ukadalala ulota kunogwa dashi kavili? Wanavo haunavanavo kavili madengo ila pavanajaa vanu ni kuluvatanga tu.

Vitendo 7:54

Bai avalá vanang'olo vapanguguvale vakaigwe davo shindívalipuka shitundi mmitima mwave kutwala kushimwa mpaka kutuka shulu.

Vitendo 8:2

Vanu vakunjopa Nnungu vandítwala mili umwe Shiteva kuka ndashika na vanínnilila namene.

Vitendo 8:5

Pilipo nae paalaladile kunjini wa ku Shamaliya ashindavavalangangila venentete Klistu.

Vitendo 13:36

“Napanelo Daudi muwakati wake akatandedye malotelo ake Nnungu, andíjaa shingumi na vandyúka nanshika pavyonga pavalala vanakuluvake kutwala kunda

Vitendo 26:10

Vinu avi nditenda nangu nimwene ku Yelusalemu. Ndivajela mudikalaboshi vakwilimyanga voe kwamadalaka avanang'olo vavakulangalalela-shadaka na vanji pavashumya lilamulo lyakuvatanola, nangu ngushindaungila nkono.

Valoma 1:32

Ata ikava kenga vandimanya lilamulo lyaishaliya lyake Nnungu líishidoni, avalá vatandédya avyo indivavaikila vapele. Vanavo i gweka vankutenda kanji namomo vankuvaungila nkono avalá vaténda.