Vitendo 7:56 - Ibibiliya mu Shimakonde Imbodi Yaambi na dimbande dya Imbodi Yakala

⁵⁶ Nae kutwala kushidoni, “Mwe! Ninkwona kuwa kushimwike na kumwona Mwana Wamunu àimidile kunkanakono kwake Nnungu.”

Vitendo 7:56 Referans Kwoze

Maono 19:11

Bai nindyóna kuwa kushimwike, mwe! Napane ndímwona punda wanashwe, aijá ánkwadile punda vashinshema Wakukulupilika na Waumwiu. Nae ankuukumu na kutenda ing'ondo kwaishaliya.

Maono 11:19

Napanelo ing'ande yake Nnungu kuwa ko indíshimuka, nng'ande mo kutwala kwaneka lishanduku lyaimbodi yake Nnungu. Nadoni kundyúmilila kumeta, shilindimu, ding'uva, shindangenda na kutonya imbula ing'umene yadinyanga.

Vitendo 10:11

kutwala nae kwona kuwa na kwona shinu mwalikuba likumene lyakukandapala kenga lyavakamulanidile mumapepe uti nsheshe lishulukila pai;

Mateu 3:16

Nadoni po papatile ubatisho, Yesu andyúma mmedi mo kutwala muwakati wowo, mwe! Pamevo pake kuwa kushimuka, nae kumwona Imumu wake Nnungu wakuva mwang'unda ashuluka kwida ndamwikala.

Maono 4:1

Vikapite vinu avi, ndilola kutwala kwona kuwa nnango ùshimwike. Namomo alilá lidi lyangwigwíte kunantandi litangola namu nangu kenga lipalapanda, lyolyo kutwala kushidoni, “Kwela wide apa, nangu ndakulodya vinu vilóta vitandeke ling'oto lya avi.”

Vitendo 10:16

Shitendo ashi shikatandeke myanda mitatu, likuba vandyújidya kuwa.

Nshuwau 1:51

Nae kuka mushu aashidoni, “Ninkumwaulila mwiu uti doni, mundona kuwa kùshimwike na vanjelo va Nnungu vakwela na vashuluka mu Mwana Wamunu.”

Lukashi 3:21

Napanelo vanu uti pavashuka ndapata ubatisho, nanae Yesu andyúka ndapata. Pashishwali kuwa kundíshimuka;

Malukushi 1:10

Bai Yesu paumile mmedi amulá kwona kuwa kujavanwike na anshulukila Imumu wakuva kenga ng'unda

Mateu 25:31

“Mwana Wamunu palota kwida mulishangelo lyake pamo na vanjelo vake andaikala pashiteng'u shake shalishangelo.

Mateu 8:20

Yesu kushidoni, “Vanansheto vankuvanavo vivava, vyuni vyakuniania vinkuvanavo vyanda kanji Mwana Wamunu havé pashinu pakwijamidya muti wake.”

Vitendo 7:57

Vanavo vakadivanga kumatu akuno vajunga pashanya po na kwaunapamo vanímwinjila