Vitendo 6:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Kutwala apo, imbumba indívalodya vanu avo kwavamyombe kutwala vamyombe kushwali na kuvavikila makono.

Vitendo 6:6 Referans Kwoze

II Timoti 1:6

Ni ashi shingutádya nikukumbuwange pakulota ukang'ele shajo shake Nnungu shipagwíte kwako kwaindila yakukuvikila makono angu.

Vitendo 1:24

Kutwala apo vandíshwali vaashidoni, “Umu, wako úmanyite mitima vyavanu uti tulodya wauntandwele pakati pavanu vavili ava

I Timoti 4:14

Haunaleke kunyenje shajo shavakupele wako kwaindila yakulava pavakuvikidile makono pankodyanio wavanang'olo.

Vitendo 8:17

Bai vanavo vandívavikila makono kutwala kumpata Imumu Wanashwe.

Vitendo 13:3

Bai vanavo pavamalidile kunga na kushwali, vandívavikila makono kutwala kuvatumidya vauke.

Vitendo 9:17

Nadoni Ananiya andyúka paing'ande apo kwinjila nng'ande kutwala kummikila makono Saulu aashidoni, “Nung'unumunu Saulu, Umu Yesu ákuumililidile niindila wida akuno, aningutumidya kwako wako pakulota uujile kulola na uumbaligwe na Imumu Wanashwe.”

I Timoti 5:22

Haunapupange kummikila munu makono na ata haunaliinjidyange mushimadambi shavanu vanji; nanopa muungave-ushapu.

Vabalaniya 6:2

mapundisho aubatisho, akuvavikila vanu makono, akudyuka kwavakupela na aukumu íkamalilika.

Malukushi 5:23

kunjugwangila namene aashidoni, “Mwanangu nkongwe ndikidiki nnwele, ninkunnalela po pantima apa! Nadoni ninkukujugwa tuke ukammikile makono kwambangidya apone na ave mumi.”

Vitendo 9:12

na mwindoti ninnodya munu walina Ananiya amwidila nammikila makono anshwalidya pakulota aujile kulola.”

Vitendo 19:6

Paulu akavavikile makono, andívashulukila Imumu Wanashwe na muwakati wowo vandítunduvanga kutangola dinangodi dyakutikinikanga na kulava.