Vitendo 6:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Nadoni vandívakang'ela venentete, vanang'olo pamo na vamwalimu vadishaliya kutwala kuka kwashingangala nankamula Shiteva kumuukanavo kunguguvale.

Vitendo 6:12 Referans Kwoze

Vitendo 14:2

Kutwala vayuda vákaitikidile lilove alyo vandivatubya vamidi pakulota vavapinge vanung'unumunu avo.

Mateu 26:57

Napanelo avalá vankamwíle Yesu vandímuukanavo kwing'ande imwe Kaipashi nkúlangalalela-shadaka nkumene kulyutu lyavakadyaniénge vamwalimu vadishaliya pamo na vanang'olo.

Vitendo 21:27

Napanelo maduva saba akulyalaliya alota kumalilika, vayuda va ku Ashiya vakamwone Paulu mwing'ande ya Nnungu vanavo vandívakang'ela venentete na vanímwinjilinneu

Vitendo 17:13

Kanji vayuda va ku Teshalonika vakamanye kenga Paulu ankuvalanganga lilove lya Nnungu pa Beleya momo, vandyúka koko ndavakang'ela venentete na kutaa upuju.

Vitendo 13:50

Kanji vayuda vandívatumbilikanga vanang'olo pamo na vakongwe vakulipudya na vakwishimika vapalikaja alyo kutwala vanavo kutunduvanga kuvapapata vapaulu na vandívavinganga mulilanga alyo.

Vitendo 5:27

Napanelo vakavaidenavo vandívaimidya shing'ati nguguvale kutwala nkúlangalalela-shadaka nkumene kuvanyika

Vitendo 5:18

Nadoni vandívakamula vamyombe kuka ndavajela nkalaboshi yankaja amo.

Mateu 5:22

Napane nangu jo ninkumwaulila doni, kula munu álota kunshunalila nung'unumunu vandamuukanavo paukumu. Namomo álota kuntukana nung'unumunu, vandamuukanavo kwikamati, nakavili, ámwaulila nung'unumunu do, ‘Hauvé ding'ano!’ vandamuukanavo kumoto wakushena.

Vitendo 18:12

Napanelo Galyu àvele gavana walijimbo lya Akaya, vayuda kwaunapamo vanínnyanyamalila Paulu na vaníntwala kumuukanavo kumwe gavana kushiwanja shamikodyanio

Lukashi 20:1

Napanelo muliduva limo Yesu àvele mwing'ande ya Nnungu avapundisha venentete na avavalangangila ntenga wambone, vandímwidila vanang'olo vavakulangalalela-shadaka, vamwalimu vadishaliya pamo na vanang'olo

Vitendo 6:11

Napanelo vandívonga vanu pakulota vankanidyange Shiteva kenga vandimwigwa ankupulu Musha na ankupulu Nnungu.