Vitendo 5:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Nadoni vandívakamula vamyombe kuka ndavajela nkalaboshi yankaja amo.

Vitendo 5:18 Referans Kwoze

Vitendo 4:3

Nadoni vandívakamula kuvajalenneu nkalaboshi mwaa wakuva lyulo kulindila wiko ulangale.

II Vakolintu 11:23

Da vanavo vo, vatumika vamwe Klistu? Nangu po ndimamodya, ngutangola kenga nimunu wakudulumbuka, mushimadengo shoe, mukungwa myanda vyoe, mukushapigwa viboko myanda vyoe, muvijoidyo vyakulota kupela myanda vyoe.

Lukashi 21:12

“Kanji vinu avyo uti vikanava kutandeka, kwamwaa walina lyangu mwenu vanankamula kumuuvyauvyanga, vamuukanavo kuvitala vyakulipudidya, vanjela mudikalaboshi na vamuukanavo kwavaumu na kwavananangalaledi vashilikali.

Maono 2:10

Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.

Vabalaniya 11:36

Vanji vo, vashindaliuligwa na kushapigwa viboko, vanji kavili vandívaunga mang'unyang'unya na kuvajela mudikalaboshi

Vitendo 8:3

Napanelo Saulu alota kumalidya liganisha, ashindainjila muding'ande uti dyavakwoda apita avakamula valume na vakongwe auka ndavajela nkalaboshi.

Mateu 4:12

Napanelo Yesu paigwite doni Nshuwau andyungwa, nae andyúja kuka ku Galileya.