Vitendo 3:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Mwenu munkupata vyalivikile Nnungu kwavakulava na munkupata avilá vyalivikile pavapangile imbodi vanakuluvenu pamwaulidile Abulaamu doni, ‘Kutunduvangila kuudukulu wako makola uti amushilambo shapai andaalaligwa.’

Vitendo 3:25 Referans Kwoze

Vitendo 2:39

Mwaa kulivikila aku ni kwenu mwenu, kwaudukulu wenu na kwauti vavelé kushu; uti avalá vashamégwa namu Umu, jo Nnungu wetu.”

Vagalata 3:8

Maandiko pagwene kaladavo doni, Nnungu andavapa vamidi ishaliya kwaindila yalikulupililo, anímmalangangila ntenga wambone shitandi Abulaamu aashidoni, “Kwako wako, venentete uti vandaalaligwa.”

Maono 7:9

Napanelo vikapite vinu avyo ndílola, mwe! Ndyóna dimbumba díkaululika kuvalangika; adyo dyakwalakela kula shilambo, makola uti, venentete na dinangodi vàimilenge mushu shiteng'u na mwa Ngandolo vàgwalenge dikanju dyanashwe, mmakono mwave vànyakatenge malala.

Vagalata 3:16

Kumwe Abulaamu kulivikila kunditangaleka; kutangaleke kwake nae namomo kwaudukulu wake. Nnungu hanatangola shinu doni, “kwavadukulumunu” kenga avamba vanu voe ila amwamba munu jumo doni, “kwandukuluvo” yani Klistu.

Valoma 4:13

Mwaa hainava shinu kwaindila yalilamulo intadídye Abulaamu pamo na udukulu wake kupata kulivikila yakuva nae nkúpata-maleko ashilambo kanji kwaindila yaishaliya yalikulupililo.

Vagalata 3:29

Ikava kenga mwenu ni mmake Klistu, bai mmadukuluvake Abulaamu na kwaupande wakulivikila wo, mmakupata maleko ni mwenu.

Maono 14:6

Napanelo ndímwona njelo junji auluka kuniania àvenavo ntenga wambone úkamalilika pakulota avavalangangile avalá vanáma mushilambo shapai; kula shilambo, likola, inangodi na venentete

Maono 5:9

Vanavo vashindaimba lwimu lwaambi vaashidoni, “Wako ni úvaikidile kutwala shidingo na kunamatulanga dishelu dyake mwaa undibyaigwa na kwamyadi vyako uninshumila Nnungu vanu vakula likola, inangodi, venentete na shilambo.

Valoma 15:8

Mwenu, nangu ninkumwaulila doni, Klistu andilitenda kuva ntumika wa avalá vakumulígwe likumbi kwamwaa waumwiu wake Nnungu pakulota atandedye kulivikila kwavanyakalamunu

Vitendo 13:26

“Mmanung'unumunu mmashipinga shaudukulu wake Abulaamu pamo na mwenu mmanji múnjopa Nnungu! Lilove lyakwambwalegwa aku, wavantumidididyé ni wetu.

Lukashi 1:72

Nadoni andilodya shididi shake shalivikile kwavatatavetu, andikumbukila imbodi yake yakwilimyanga