Vitendo 27:43 - Ibibiliya mu Shimakonde Imbodi Yaambi na dimbande dya Imbodi Yakala

⁴³ Kanji nang'olo wavaing'ondo kwodamwaa ashilota amwambole Paulu mushijoidyo asho, andívaleya shitendo asho. Nadoni andívalamulila vanu váshimanya kwagwalela valishushe vainjile mmedi pakulota vaagwele vauke kumwangu

Vitendo 27:43 Referans Kwoze

Vitendo 27:3

Palyamba lyake tuvanu kuwika panshiko wa ku Shidoni. Napanelo Shulyu pakuva ashinantanana Paulu, andímupa litala lyakuka ndavalola vabwadivake va pa Shidoni na vanshunge.

II Vakolintu 11:25

Myanda mitatu ngukanyalegwa ding'ong'o, mwanda umo ngwamangigwa majanga, myanda mitatu ngutitimila mwimanga, mwanda unji wo shilo uti na mui ngwalela lela-lela-lela shing'ati imanga.

Vitendo 27:11

Kanji nang'olo wavaing'ondo miya andíshambegwa na nkútukusha-ingalava pamo na mwene ingalava kuleka shatangwele Paulu.

Vitendo 23:24

Vapanganiange momo vapalashi vakumpakila Paulu vakamwishe shana kwananangalaledi wamajimbo Pilishi.”

Vitendo 23:10

Bai pashinu apo kupwatana kundyúka mushu kumamodya mpaka nang'olo nkumene wavaing'ondo kujopa mwaa wakwona kenga Paulu vananshapwalananga; nadoni andívalamulila vaing'ondo vake vavapoke Paulu vakanjele kavili mulingongo lyavaing'ondo.

Vitendo 27:31

kutwala Paulu kumwaulila nang'olo wavaing'ondo miya pamo na vaing'ondo vake kushidoni, “Vakutukusha-ingalava avalá vakaumananga mwingalava ing'umene amu, mwenu uti hapagwa wakushumba.”

Vitendo 27:42

Napanelo vaing'ondo vandípakanila vavabyange mapaleshi uti mwaa wakujopadavo vandaagwalela kuka ndawika kumwangu kutwala kutipukanga.