Vitendo 27:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Maduva oe kupita patukona liduva na ata dinondo, imepo yadimongo yuka mushu ipunga namene mpaka lilindilililo uti lyakulota tuvanu kwambolegwa, kutujaika.

Vitendo 27:20 Referans Kwoze

Mateu 24:29

Po palota kumalilikinneu mauvilo amaduva alo, ‘Liduva lindadimba, mwedi hauvala, dinondo kuwa ko dindagwanga na vyadimongo vyakuniania vindating'inigwa.’

I Vateshalonika 4:13

Napanelo hatunalota shinu mutikinange mmanung'unumunu kwamwaa wa avalá valéle kwambangidya hamunavenavo shipalodi kenga avalá vanji vákave lilindilililo.

Vaepeshu 2:12

inimmaikila mukumbukile doni, muwakati awo mwenu hamuvénavo Klistu, hamushivalangiligwa muuwenentete washiishilaeli, muvele múkamanyika nkati mudimbodi dyakulivikila; mmanu múkave lilindilililo na múkave Nnungu mushilambo amu.

II Vakolintu 11:25

Myanda mitatu ngukanyalegwa ding'ong'o, mwanda umo ngwamangigwa majanga, myanda mitatu ngutitimila mwimanga, mwanda unji wo shilo uti na mui ngwalela lela-lela-lela shing'ati imanga.

Vitendo 27:19

Muliduva lyantatu vo vene vakutukusha-ingalava vandíjalangila mmedi vyombo vinji vyashimadengo vyamwingalava.

Vitendo 27:21

Napanelo kwodamwaa vandíikalanga maduva oe pavakalya shinu, Paulu andítakatuka pakati pave kutwala kushidoni, “Mwenu! Leka mùngwigwilidile nangu paninnaidye kuma ku Kaleta akulá, mauvilo ala na asala ai uti hamunapate.