Vitendo 26:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Ndivavalangangila shitandi va ku Damashiko, kwatika ku Yelusalemu, disemu uti dya ku Yudeya namomo kwavamidi pakulota valijugulange madambi ave na vanshinjiulile Nnungu valodya vitendo kwodananavo kulijugulanga kwave.

Vitendo 26:20 Referans Kwoze

Vitendo 3:19

Nadoni lijugulange na nshiliukile pakulota madambi enu alivalivigwe

Mateu 3:8

Lodya vyepo vilódya kulijugulanga.

Vitendo 2:38

Patulu kushidoni, “Lijugulange na kula munu apate ubatisho palina limwe Yesu Klistu kwakulivalivigwa kwamadambi enu na mundapata inudyo ya Imumu Wanashwe.

Maono 2:5

Kumbukila pashi paugwile. Lijugulange na tandedya vitendo vyako vitandi. Ukanalijugulanga, ninkukwidila ndausha itaa yako palyutu lyake.

Mateu 9:13

Wena mukalipundishe mana amalove ala, ‘Shangulota ni shididi i shadaka.’ Nangu hangwidile ndavashema vaishaliya ila vakutega.”

Maono 3:3

Kumbukila avilá vyaupatile na vyawigwite, tandedya na lijugulange. Napane ikava kenga hauva mevo, bai ndakwidila kenga nkwíva, wako haumanya isaa yangulota kukwidila.

Vaepeshu 4:17

Nadoni ninkutangola na ninkumya ushuda nkati mumwe Umu, hamunaname kavili kenga mmamidi mukunyambikanga makumbukililo ave.

II Vakolintu 7:10

Mwaa shipalodi shoodánanavo malotelo ake Nnungu shinkwidanavo kulijugulanga kuka mukwambolegwa bila kulyambila. Kanji shipalodi shamushilambo shinkwidanavo kupela.

I Vateshalonika 1:9

mwaa vo vene vankuvalanganga mwashi mwamutupwashaladile na mwashi mwamunshinjiulidile Nnungu muleka kulipudya kwavannungu vakushang'apa pakulota muntumike Nnungu mumi na wiu

II Vakolintu 3:16

Kanji akapagwa jumo ánshinjiulila Umu ntima wake, bai inguvo ayo indaushika.

Valoma 2:4

Kwali wona dashi, mali akutanana kwake, akulipililila na aupole, wako unkwiludyanga kwabila kumanya do, kutanana kwake Nnungu ni kukuukanavo mukulijugulanga?

Vitendo 26:17

ndikuposha kumakono kwavakwenu na kwavamidi kwangulota kukutumidya

Vitendo 20:21

ngumya ushuda kwavayuda na kwavamidi wakulijugulanga madambi kwa Nnungu na walikulupililo nkati mumwe Umu wetu Yesu.

Vitendo 17:30

Kanji Nnungu pakavalangila wakati aulá waungamanya, ambi apa ankuvavalangangila vanu uti mumautu avanama valijugulange madambi ave

Vitendo 15:19

“Napavedoni kulalyanga kwangu ni aku, hatunavadingadinge vamidi vashinjiulíla mitima vyave kwa Nnungu

Vitendo 11:18

Bai pavaigwite malove alo, vanavo vandídimikila na kumupa lishangelo Nnungu vaashidoni, “Kumbe mwiu! Ata vamidi Nnungu andivapa kulijugulanga madambi kuka mushingumi.”

Vitendo 9:35

Bai vanu uti va pa Lida namu va ku Shalona vakamwone munu ajo, vanínshinjiulila Umu mitima vyave.

Vitendo 9:15

Umu kutwala kushidoni, “Wena! Mwaa munu ajo ni shombo shangu shakutandalegwa pakulota aumaniange lina lyangu kwavamidi, kwavaumu, kwavanaishilaeli na

Lukashi 15:10

Kulandana na shitendo asho ninkumwaulila doni, kwavanjelo vake Nnungu lindapagwa lipuwilo lyoe namene mwaa wankútega jumo álijugulanga madambi ake.”

Lukashi 15:7

Kulandana na shitendo asho ninkumwaulila doni, kuwa lindapagwa lipuwilo lyoe mwaa wankútega jumo álijugulanga madambi ake kuliko vaishaliya tisini na tisa vákalota kulijugulanga.

Lukashi 13:5

Bai mene! Kanji mwenu mukanalijugulanga madambi enu mundapalela mo mwavapalalele vanavo.”

Lukashi 13:3

Bai mene! Kanji mwenu mukanalijugulanga madambi enu mundapalela mo mwavapalalele vanavo.

Lukashi 1:16

Jojo jo andavatadya vanaishilaeli voe vamuujile Umu, Nnungu wave.

Malukushi 6:12

Bai vanavo vandyúma kupita vavalangangila vanu valijugulange madambi ave.

Mateu 4:17

Napanelo kutunduvangila muwakati wowo wo, Yesu andítunduvanga kulaililila aashidoni, “Lijugulange mwaa utawala wakuwa undivandika.”

Mateu 3:2

aashidoni, “Lijugulange mwaa utawala wakuwa undivandika.”

Maono 16:11

vashinankupulu Nnungu wakuwa kwamwaa wakupwateka na wamakana ave; ata ive davo, havalijugulénge vitendo vyave.

Maono 2:21

Nangu nimupa wakati wakulota alijugulange kulavalava kwake kanji nae hatamwa.

Vitendo 26:19

“Napavedoni Umu Agilipa, indoti yangupatile kwalakela kuwa, nditandedya mwaishilotéla.