Vitendo 23:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Napanelo wiko paulangele, vayuda vanji vandíkadyanianga kulya shemba kutwala kulilapa vatangola kenga havalya na havakumbila shinu shoeshoe vakanava kummalidya Paulu.

Vitendo 23:12 Referans Kwoze

Vitendo 23:30

Napanelo pavaukile nangumanyiya kenga vayuda vandipanga milugu vyakulota kummalidya, ndyamuwa kukupalakadyedya wako munu aju na avalá vavénavo mwaa namu nae ndivaulila vaide vaangangalange namu wako ako.”

Vitendo 23:21

Kanji wako haunalote kushambegwa na vanavo mwaa vapali vanu vakupunda shikonda shavanu kenga alubaini doni, valóta kuvandama vannindile Paulu vammalidye. Vovo vo vandililapa mwiu mwiu kenga havalya na havakumbila shinu shoeshoe pavakanava kummalidya Paulu. Muwakati au vanavo vandilipanganianga uti valindila lilamulo lyako bai.”

Vitendo 23:14

Bai vanavo vandívaukila vanang'olo vavakulangalalela-shadaka pamo na vanang'olo ndavaulila doni, “Wetu apa tundililapa tukanatandedya itukodye ilana tutangola kenga hatulya patukanava kummalidya Paulu.

Vitendo 25:3

valipambedya kumili kwake pakulota nae amuujidye ku Yelusalemu kanji vàvenavo milugu vyakummandamila shing'ati indila vammalidye.

Mateu 26:4

kutwala kwikala nguguvale wakuteja ntego vankamule na vammyae.

Vagalata 3:13

Klistu anditwambola mudilana dyalilamulo palitandile jo mwene kuva ilana adiva lyutu lyetu mwaa indyandikigwa, “Alaanigwe aijá álota kupambililigwa munnandi.”

I Vakolintu 16:22

Ikava kenga munu hanannagwaledya shinu Umu Yesu Klistu, apate dilana! Umu wetu, ida!

Mateu 27:25

Venentete uti kushidoni, “Makosha akujaika myadi avyo atupate wetu pamo na udukulu wetu.”

Mateu 26:74

Nae kutunduvanga kulitaa dilana na kulilapa, “Nangu munu ajo hanimmanyite!” Ng'uku kutwala kukangavalenneu.

Vitendo 9:23

Napanelo akapite maduva oe namene, vayuda vandyúnganila vamyae Saulu

Vitendo 9:24

kanji Saulu vanímmanyia nnugu wave. Vanavo shilo na mui vashindalaledya milango vyakwinjilila panjini valota vammyae Saulu.

Vitendo 23:13

Vayuda valíle shemba asho vandíwikila shikonda shavanu vakupunda kenga alubaini doni.

II Vakolintu 11:26

Ngwengwe nguvé mushimwanda, muvijoidyo vyadyundi, muvijoidyo vyamajambashi, muvijoidyo vyavakwetu, muvijoidyo vyavamidi, muvijoidyo munjini, muvijoidyo kushimbweshe, muvijoidyo mudimanga na muvijoidyo pakati pavanung'unumunu vakushang'apa,

I Vateshalonika 2:16

vakanyalidya vatudingadinge pakulota hatunatangole na vamidi kwambangidya vanavo vo, vaambwalegwe na pakulota vo vene vaunjikiligwe shipimo shamadambi ave, kumbe shitundi shindivagwela.