Vitendo 21:40 - Ibibiliya mu Shimakonde Imbodi Yaambi na dimbande dya Imbodi Yakala

⁴⁰ Nang'olo nkumene wavaing'ondo aijá kumupa litala kutwala Paulu kwimila pavikada apalá kunyanyula makono avamaladyanga venentete. Pavamalalenge do vii, nae andítunduvanga kutangola na vanavo mwinangodi yashibalaniya aashidoni,

Vitendo 21:40 Referans Kwoze

Vitendo 12:17

Patulu kung'aniang'anianga nkono kuvamaladya kutwala kuvavalangangila mwamuumididye Umu nkalaboshi kutwala kushidoni, “Tiyagu jo pamo na vanung'unumunu, vavalangangile.” Nae kutwala kuma kuka kulyutu linji.

Vitendo 26:14

Wetu pashinu apalá kugwangila pai kutwala nangu kwigwa lidi líshitangola mushibalaniya liishidoni, ‘Saulu, Saulu, mwaa shani unkungupapata? Shinkukamadyanga kwako kuvangedya ashilá shikukanyóla.’

Vitendo 22:2

Napanelo pavamwigwite atangola mushibalaniya, vandímamodya kulimaladya kutwala nae kushidoni,

Nshuwau 5:2

Napanelo ko ku Yelusalemu ko, pepi na Nnango Wavangandolo, lindípagwa litangi likumene, mushibalaniya vashishema Beteshada. Nnyenje mwake litangi lyolyo lyo, vindípagwa vitala mwanu.

Vitendo 21:35

Pavawikile pavikada vyalingongo, vaing'ondo vanínnyanyulidya Paulu kushanya kwamwaa washitundi shavashimmikila venentete

Vitendo 19:33

Vanji pavashivona vayuda vangang'alangila mushu Alishandele, vashikumbukila kenga ing'ano ayo yàke nae. Napanelo Alishandele andíng'aniang'anianga makono ajugwa vamalale pakulota alishililidye pamevo pave.

Maono 16:16

Napanelo dimumu nnatu dyamajini adilá dindívakumbulila pamo vaumu palyutu lyavashema mushibalaniya Alimagedoni.

Maono 9:11

Vovo vo, vankuvanavo umu wave yani njelo wa ku Litavaleva, mushibalaniya Abadoni na mushigalegu, Apoliyoni.

Vitendo 13:16

Paulu kutakatuka kuvamaladyanga na makono kutwala kushidoni, “Mmanaishilaeli pamo na mmanji múnjopa Nnungu, ngwigwa!

Vitendo 6:1

Napanelo muwakati washishaanjadyeka shipinga shavakwoda, avalá váshitangola shigalegu vashindavatangadikanga vabalaniya mwaa vanamwili vave vashindalivalivigwa mulipwashalelo lyakula liduva.

Nshuwau 19:20

Vayuda voe vandíshomya shavaandíke mulibau alyo mwaa palyutu lyavampambilidíle Yesu, lindívandika na panjini namomo libau alyo vaandike mushibalaniya, mushilatini na mushigalegu.

Nshuwau 19:17

Nae ànyukete nshalaba wake, andyúma kuka pashinu pavashema Lyutu lya Shivanga, alilá lishaméka mushibalaniya Gologota.

Nshuwau 19:13

Paigwite malove alo, Pilatu andímwidanavo Yesu panda kutwala kwikala paikiti yake yaukumu lyutu lyavashema shimbambanda shamajanga, mushibalaniya Gabata.

Lukashi 23:38

Na yadavo pamuti pake vandíkamela shibau shavaandike doni, “Aju ni Umu Wavayuda.”

Vitendo 1:19

Shitendo asho vayelusalemu uti vandígwa; ni ashi shitadídye mwinangodi yave lyutu alyo vasheme Akelidama yani lyutu lyamyadi.