Vitendo 21:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Napanelo popo po, tundívalambela vakwoda mpaka kuvakodya kutwala wetu kwikalanavo maduva etu saba. Vakwoda vovo vo, valangalalegwa na Imumu Wanashwe vandímwaulila Paulu hanaamboke kuka ku Yelusalemu.

Vitendo 21:4 Referans Kwoze

Vitendo 28:14

Pa Putiyoli wetu kuvakodya vanung'unumunu, vovo vo kutujugwangila twikanavo ishumana imo. Kutwala apo, tundyúka ndawika ku Loma.

Vitendo 19:1

Napanelo Apolu àvele pa Kolintu, Paulu andyámbwakanga mashinga kutwala kwalalela pa Epeshu. Popo po andívakodya vakwoda,

Vitendo 11:26

Akamwone, aníntwala kumwidanavo pa Antiyokiya. Bai vanavo vandíikala pa Antiyokiya mpaka kumalila mwaka umo vavapundisha vakwoda voe vapaliganisha lyankaja amo. Napane pa Antiyokiya ni pavavashamíle vakwoda lina lya Vaklistu mumwanda utandi.

Mateu 10:11

“Panjini woewoe kwali palikaja lyoelyoe lyamulota kwinjila, nnambele munu ávaikidile mutwale mwikale paing'ande pake mpaka muliduva lyamulota kutumuka.

Maono 1:10

Napane muliduva limwe Umu ndítwaligwa mu Imumu kutwala kunyuma kwangu kwigwa lidi likumene kenga lipalapanda

II Timoti 1:17

leka apo pawikile pa Loma aningulambela kwadimongo mpaka kungupata.

Vitendo 9:16

nene nimwene nannodya mauvilo oe álota kumpata kwamwaa walina lyangu.”

Vitendo 21:16

Mushimwanda shetu vakwoda vanji va pa Shashaleya vandítupalakela mpaka paing'ande pake Manashoni, palyutu lye livaikidíle tuwikile. Munu aju avele wa ku Kupulu na avele nkwóda wamushipinga shavakwoda vatandi.