Vitendo 20:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ ngumya ushuda kwavayuda na kwavamidi wakulijugulanga madambi kwa Nnungu na walikulupililo nkati mumwe Umu wetu Yesu.

Vitendo 20:21 Referans Kwoze

Vitendo 2:38

Patulu kushidoni, “Lijugulange na kula munu apate ubatisho palina limwe Yesu Klistu kwakulivalivigwa kwamadambi enu na mundapata inudyo ya Imumu Wanashwe.

Vitendo 11:18

Bai pavaigwite malove alo, vanavo vandídimikila na kumupa lishangelo Nnungu vaashidoni, “Kumbe mwiu! Ata vamidi Nnungu andivapa kulijugulanga madambi kuka mushingumi.”

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

Lukashi 13:3

Bai mene! Kanji mwenu mukanalijugulanga madambi enu mundapalela mo mwavapalalele vanavo.

II Vakolintu 7:10

Mwaa shipalodi shoodánanavo malotelo ake Nnungu shinkwidanavo kulijugulanga kuka mukwambolegwa bila kulyambila. Kanji shipalodi shamushilambo shinkwidanavo kupela.

Valoma 10:9

Mwaa ikava kenga wako undaang'ula kwaikanywa yako kenga Yesu ni Umu na undakulupila kwantima wako kenga Nnungu anindyuwa pakati pavakupela, undaambwalegwa.

Vitendo 26:18

kwambangidya dashi, uvaungule mevo vashiliuke kushii vauke kulilangadyo, vaume mumadalaka amwe Shatwani vauke kumwe Nnungu pakulota vapate kulivalivigwa kwamadambi na vapate lyutu mushipinga sha avalá vailimyangígwa kwaindila yakungukulupila nangu.’

Lukashi 24:47

na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu.

I Nshuwau 5:5

Da nyani átema shilambo? Ni gweka aijá ákulupila kenga Yesu ni Mwana wa Nnungu.

Vitendo 26:20

Ndivavalangangila shitandi va ku Damashiko, kwatika ku Yelusalemu, disemu uti dya ku Yudeya namomo kwavamidi pakulota valijugulange madambi ave na vanshinjiulile Nnungu valodya vitendo kwodananavo kulijugulanga kwave.

I Nshuwau 5:1

Kula ákulupila Yesu yakuva Klistu, ajo andivalekwa kwaindila ya Nnungu na kula ánnagwaledya nkúvaleka, namomo anánnagwaledya aijá wammaleke nkúvaleka ajo.

Pilemoni 1:5

mwaa ninkwigwa itangaleka yalinagwaledyo lyenu kwavakwilimyanga uti pamo na likulupililo lyamuvenavo kumwe Umu Yesu.

Vaepeshu 1:15

Napavedoni tangu pangwigwite itangaleka pakati penu yalikulupililo kumwe Umu Yesu na yalinagwaledyo kwavakwilimyanga uti,

Vagalata 2:20

Ninkunama kanji i nangu ila Klistu ni anama nkati mwangu. Shingumi shanguvenavo mumili ambi apa, ninkunama kwakunkulupila Mwana wa Nnungu ángunagwaladidye na álijawile kwamwaa wangu nangu.

Valoma 5:1

Napavedoni pakuva tundivalangiligwa ishaliya kwalikulupililo, tunkuvanavo amani namu Nnungu kwaindila imwe Umu wetu Yesu Klistu.

Valoma 4:24

kanji ata kwaupande wetu wetu momo. Vandatuvalangilila wetu túnkulupila aijá ándyuwidye pakati pavakupela, Yesu Umu wetu.

Valoma 1:16

Mwaa hangunona dyoni kwantenga wambone pakuva ni dimongo dyake Nnungu dyakwambola kwaupande wavanu uti vakulupíla; shitandi kwamuyuda ling'oto kwangalegu.

Vitendo 17:30

Kanji Nnungu pakavalangila wakati aulá waungamanya, ambi apa ankuvavalangangila vanu uti mumautu avanama valijugulange madambi ave

Malukushi 6:12

Bai vanavo vandyúma kupita vavalangangila vanu valijugulange madambi ave.

Malukushi 1:15

aashidoni, “Undiwika wakati, utawala wa Nnungu undivandika nadoni lijugulange madambi enu na kulupila ntenga wambone wa Nnungu.”

Mateu 4:17

Napanelo kutunduvangila muwakati wowo wo, Yesu andítunduvanga kulaililila aashidoni, “Lijugulange mwaa utawala wakuwa undivandika.”

Vagalata 3:22

Kanji Maandiko alo anditadya vinu uti vitawaligwe na lidambi pakulota kulivikila kwalakéla kwaindila yalikulupililo kumwe Klistu Yesu kukapatikanange na avalá vakulupíla.

Vagalata 2:16

ata tumanya avi do, munu hanapata shinu ishaliya kwamwaa wakwodedya lilamulo ila kwaindila yakunkulupila Yesu Klistu, nawetu momo tuninkulupila Yesu Klistu pakulota tupate ishaliya kwaindila yakunkulupila Klistu i kwamwaa wakwodedya lilamulo. Ni doni, kwakwodedya lilamulo, hapali álota kupata ishaliya.

I Vakolintu 1:22

Mwenu, vayuda vankujugwa vimanyikilo, vamidi kulambela limanyilo

Valoma 2:4

Kwali wona dashi, mali akutanana kwake, akulipililila na aupole, wako unkwiludyanga kwabila kumanya do, kutanana kwake Nnungu ni kukuukanavo mukulijugulanga?

Valoma 1:14

Ninkuvanavo udeni kwavamidi na kwavakamanyika, kwavakumanya na kwavajinga.

Vitendo 28:23

Napane vakavike liduva lyakukadyania namu nae, vandímwidila vanu voe palyutu lyashiikala na nae kutunduvangila lyamba mpaka lyulo andívaigwiniya ataa ushuda yautawala wa Nnungu alingangila avashombe kwaing'ano imwe Yesu kutunduvangila mu Lilamulo lyake Musha namomo mu Vakulava.

Vitendo 16:31

Vanavo kushidoni, “Nkulupile Umu Yesu, undaambwalegwa, wako pamo na ing'ande yako.”

Vitendo 10:43

Ajo vakulava uti vankumuumidya ushuda kenga kula munu ánkulupila nae ankupata kulivalivigwa kwamadambi kwaindila yalina lyake.”

Vitendo 8:25

Bai vamyombe vakaumye ushuda na vakatangole lilove lyake Umu, vandyújila ku Yelusalemu kupita vavalanganga ntenga wambone mumakaja oe avashamaliya.

Vitendo 3:19

Nadoni lijugulange na nshiliukile pakulota madambi enu alivalivigwe

Vitendo 2:40

Napane kwamalove anji oe ashindaumya ushuda na auka mushu avajugwangila kushidoni, “Liposhe mushaushanga shiidíla udukulu au wantau.”

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Lukashi 15:10

Kulandana na shitendo asho ninkumwaulila doni, kwavanjelo vake Nnungu lindapagwa lipuwilo lyoe namene mwaa wankútega jumo álijugulanga madambi ake.”

Lukashi 15:7

Kulandana na shitendo asho ninkumwaulila doni, kuwa lindapagwa lipuwilo lyoe mwaa wankútega jumo álijugulanga madambi ake kuliko vaishaliya tisini na tisa vákalota kulijugulanga.

Lukashi 13:5

Bai mene! Kanji mwenu mukanalijugulanga madambi enu mundapalela mo mwavapalalele vanavo.”

Mateu 3:2

aashidoni, “Lijugulange mwaa utawala wakuwa undivandika.”

Vakoloshu 2:5

mwaa ata ikava kenga hangupali ako kwamili kanji kwaimumu ninkupagwa namu mwenu ngupuwanga kwakulipanga kwenu na kunanopa kwalikulupililo lyenu kumwe Klistu.

Vitendo 24:24

Napanelo akapite maduva padyoko, nanangalaledi wamajimbo Pilishi andíwika pamo na ndyagwe walina Dulushila, nkongwe muyuda; bai vanavo vandítuma vavashamele Paulu na vandígwa vyashitangola Paulu avalanganga ing'ano yakunkulupila Yesu Klistu.

Vitendo 19:17

Napanelo vanu uti váshinama pa Epeshu yani vayuda pamo na vamidi pavaigwite shitendo asho vandíjopa namene na vandímamodya kutumbyanga lina limwe Umu Yesu.

Lukashi 16:28

Ninkuvanavo vanung'unuvangu mwanu vangulota auke akavaumidye ushuda kwambangidya vanavo havanaide momo mulyutu ali lyamauvilo.’

Vitendo 20:23

Shangumanyite apa nidoni, Imumu Wanashwe ankumya ushuda mumakaja uti mwangupita kenga kungwa na kuvauvanga kunkungulindila.