Vitendo 20:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Vakwoda avalá vaníntwala nnemba aijá àvele mumi. Shitendo ashi shindívapa ntima shii namene.

Vitendo 20:12 Referans Kwoze

II Vateshalonika 2:16

Doni, jo mwene Umu Yesu Klistu namu Nnungu Tatagwetu átunagwaladidye na átupele kupambadyangigwa kúkamalilika na lilindilililo lyambone kwaumonyo,

I Vateshalonika 5:14

Momo tunkunnaililila mmanung'unumunu, avalá vawondo vadume, vivadidíma mitima vapambadyange, vakudabadabanga vapwashele na ava mmapole kwavanu uti.

II Vakolintu 1:4

átupambadyanga mumauvilo etu uti kwambangidya wetu tuulule kuvapambadyanga avalá vapágwa mumauvilo oeoe kwakupambadyanga kwatupambadyangigwa namu Nnungu.

I Vateshalonika 5:11

Napavedoni, ing'ana ntima shii na nanawananga kenga mo mwamutandela mo.

I Vateshalonika 4:18

Napavedoni ing'ana ntima shii kwamalove ala.

I Vateshalonika 3:2

kutwala kuntumidya Timoti aijá nung'unugwetu, mmádengomwagwe Nnungu nkati muntenga wambone umwe Klistu pakulota annonowange na amupe ntima shii kwaupande walikulupililo lyenu

Vaepeshu 6:22

Nintumididyé kwenu kwaing'ano ai kwambangidya mwenu mumanye vinu vitwámba wetu na amupe ntima shii.

Vitendo 20:11

Bai Paulu andíkwela kavili mwigalopa kutwala kumajanianga shakulya kutwala vanavo uti kulya. Kutwala apo, andítangola vila mpaka linyeiku kutwala kuma kuka.

Vitendo 20:13

Napanelo wetu tundíinjila mwingalava kuka tulangalela mpaka pa Asho nannindila Paulu tuwenenavo shalumo mwingalava mwaa nae andípangila na andípakanila namu wetu auke mwanda wamadodo.