Vitendo 2:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ kutwala vanu avo uti kuvaumbala Imumu Wanashwe na kwatuka kutangola dinangodi dyakuvilingananga kwodana na lyululilo lyavapéle Imumu.

Vitendo 2:4 Referans Kwoze

Malukushi 16:17

Avalá valota kukulupila vandavanavo vimanyikilo avi: kwamwaa wangu nangu vandakumulanga majini, vandatangola dinangodi dyaambi,

Vitendo 13:52

Kanji vakwoda va ku Antiyokiya vandípuwanga namene na vandyúmbaligwa na Imumu Wanashwe.

Vitendo 4:31

Bai pavamalidile kushwali, palyutu lyavakadyaniénge pandíndangenda, vanavo uti kuvaumbala Imumu Wanashwe na vashindavalanganga lilove lya Nnungu pavakajugulanga shinu.

Vaepeshu 5:18

Vinyu hamunaambalwe mwaa momo mo, munkupagwa kulauka kanji umbaligwa na Imumu

I Vakolintu 12:10

junji kutandedya vyamakango, junji kulava, junji kupambula dimumu, junji dinangodi dyakuvilingananga na junji kuvalangangila dinangodi.

Nshuwau 14:26

napane nkúpambadyanga, aijá Imumu Wanashwe walota kuntumidya Atata palina lyangu, nae anampundisha mwenu kula shinu na anankumbuwanga uti vyanimwaulidile nangu.

Vitendo 19:6

Paulu akavavikile makono, andívashulukila Imumu Wanashwe na muwakati wowo vandítunduvanga kutangola dinangodi dyakutikinikanga na kulava.

Vitendo 10:46

mwaa vanavo vashindavaigwa vamidi avalá vatangola dinangodi dyakutikinikanga na vantumbyanga Nnungu. Patulu kutwala kushidoni,

Vitendo 9:17

Nadoni Ananiya andyúka paing'ande apo kwinjila nng'ande kutwala kummikila makono Saulu aashidoni, “Nung'unumunu Saulu, Umu Yesu ákuumililidile niindila wida akuno, aningutumidya kwako wako pakulota uujile kulola na uumbaligwe na Imumu Wanashwe.”

Vitendo 7:55

Kanji Shiteva pamuumbele Imumu Wanashwe, andílola kuwa ndoo kutwala kwona lishangelo lyake Nnungu na kumwona Yesu àimidile kunkanakono kwake Nnungu.

Vitendo 1:5

Mwiu Nshuwau andibatisha na medi kanji mwenu mundabatishwa na Imumu Wanashwe muwakati wakuvandika.”

I Vakolintu 13:8

Linagwaledyo halive mwisho. Kwavyakulava, vindapita; kwadinangodi, dindamalilika; kwalimanyilo, lindapita.

I Vakolintu 13:1

Ndikatangola shitangodi shavanu na shavanjelo kanji ndikanavanavo linagwaledyo, ninkuva shitali shúma kwali shombo shinyakónya.

Vitendo 13:9

Napanelo Saulu áshimanyika momo kwalina lya Paulu, pamuumbele Imumu Wanashwe anínnola ndoo, mwavi jo kutwala kushidoni,

Vitendo 2:11

tuvanji tuvayuda na kavili tuvanji túliinjidyenge, twálakadile ku Kaleta na tuvanji kwavaalabu; kanji wetu apa vanavo pavatangola vavalanga vitendo vyakujowa vya Nnungu tunkuvaigwa mudinangodi dyetu tuvene dyashing'ang'eng'e!”

Lukashi 12:12

mwaa muwakati wowo, Imumu Wanashwe anampundisha mwakutangalela.”

I Vakolintu 14:18

Ninkunnambwalela Nnungu kwamwaa wakutangola dinangodi kuliko mwenu uti.

Valoma 15:13

Napane Nnungu walilindilililo amuumbadye lipuwilo uti pamo na amani nkati mukukulupila pakulota kwaindila yadimongo dya Imumu Wanashwe, muumbaligwe na lilindilililo.

Vitendo 4:8

Patulu pamuumbele Imumu Wanashwe andívajang'ula kushidoni, “Mmakutawala vavenentete na mmanang'olo!

Nshuwau 20:22

Napavedoni, andívavaedya Imumu kutwala kushidoni, “Pwashalela Imumu Wanashwe!

Lukashi 4:1

Bai Yesu kuja kulundi akulá àmuumbele Imumu Wanashwe. Imumu jojo jo anínnangalalela Yesu

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.

I Vakolintu 14:5

Ngushindalota mwenu uti mutangole dinangodi dyaambi kanji kupunda namene mulave. Mwaa aijá álava ni ávenavo mana kuliko aijá átangola dinangodi dyaambi kwali apagwe wakuvalangangila kwambangidya liganisha, lidangegwe.

Vitendo 11:15

Nangu pangutunduvenge kutangola namu vanavo Imumu Wanashwe andívashulukila kenga momo mwatushulukidile wetu kunantandi.

Vitendo 6:5

Malove ala imbumba yavakwoda uti andívanagwela. Nadoni vandívatandola vanu ava: Shiteva munu walikulupililo lyoe na wakumuumbala Imumu Wanashwe, kwatika Pilipo, Polokolo, Nikanoli, Timoni, Palamena namu Nikolau munu wa ku Antiyokiya e aliinjidyénge mwidini yavayuda.

Vitendo 6:3

Napavedoni mmanung'unumunu vatandole vanu saba pakati penu vaushuda wambone, vakuvaumbala Imumu Wanashwe, valimanyilo tuvakamudye shimadengo ashi

Vitendo 1:8

kanji mwenu mundapata dimongo dya Imumu Wanashwe álota kumwidila na mwemwe mundava mmashuda vangu kutunduvangila pa Yelusalemu, ku Yudeya, ku Shamaliya mpaka mwisho washilambo.”

Lukashi 1:15

mwaa jojo jo, Umu anankulupila namene. Nae hakumbila shinu ugwalwa wakuma muvyepo na ata shinu shoeshoe shakwambalwisha. Imumu Wanashwe andapagwa namu nae kutunduvangila ata mo mmunda mwanyoke.

Vaepeshu 6:18

Kwakula inamuna yakushwali na kujugwa, shwali kula wakati mu Imumu. Kwadoni, ava mevo mulipililila uti mushwali muvajugwila vakwilimyanga uti

Vaepeshu 3:19

mumanye linagwaledyo limwe Klistu lipúnda limanyilo kwambangidya mwenu muumbaligwe na umbala wake Nnungu.

Vitendo 11:24

mwaa Balinaba avele munu wambone, wakumuumbala Imumu Wanashwe na walikulupililo lyoe. Nadoni vanu voe vandílyunganianga namu Umu.

Vitendo 6:8

Napanelo Shiteva àumbaligwidye umonyo na dimongo ashindatenda vyakutikinikanga vikumene na vimanyikilo pakati pavenentete.

Lukashi 21:15

Nangu apa nantadya mutangole malove alimanyilo; malove alo, vamongo venu havapinga ata kutaukanga hakupagwa.

Lukashi 1:67

Napanelo tatamunu Shakaliya alangalalegwa na Imumu Wanashwe andyáulanga ntenga wake Nnungu aashidoni,

Lukashi 1:41

Lishabeti paigwite lidi lyake Maliya, mmunda mwake mwana kupikita namene, Lishabeti kunnangalalela Imumu Wanashwe

Mateu 10:19

Napane vakankamudya kwavanavo, hamunajugulange mukumbukila mwakutangalela kwali shakutangola. Shakutangola sho, mundapata muwakati wowo

II Patulu 1:21

mwaa mwiko malove alo hapandukenge mumalotelo ashimunumunu kanji vanu vandivalanganga kwalakela upande wake Nnungu valangalalegwa kwa Imumu Wanashwe.

Vitendo 2:3

Kutwala apo, vindyáneka vinu mwadindimi dyamoto dyakujavanikana na kula shinu shìtulidile pamuti pakula munu

Vitendo 8:17

Bai vanavo vandívavikila makono kutwala kumpata Imumu Wanashwe.

Vitendo 10:47

“Da apali munu álota kuvaleya vanu ava havanabatishwe na medi ikava kenga navanavo vanimpata Imumu Wanashwe kenga mo mwatumpatidile wetu?”

Vitendo 15:8

Nnungu ámanyite mitima vyavanu, andivaumidya vanavo ushuda pakuvapa Imumu Wanashwe kenga mo mwatupalalele wetu.