Vitendo 2:37 - Ibibiliya mu Shimakonde Imbodi Yaambi na dimbande dya Imbodi Yakala

³⁷ Bai vanavo vakaigwe malove ala, vindívabuka mitima kutwala kumudya Patulu pamo na vamyombe vanji kushidoni, “Mmanung'unumunu, napanelo wetu po tutandelé mwashi?”

Vitendo 2:37 Referans Kwoze

Lukashi 3:10

Imbumba yavanu yo kutwala kumudya kushidoni, “Shapo na wetu po tutandelé mwashi?”

Vitendo 22:10

Nadoni nangu ndímudya, ‘Umu, napanelo ngutende nyamani?’ Umu kushidoni, ‘Takatuka winjile nkaja mu Damashiko mo! Mo nkaja mo vandakumanyiya uti vikuvaikidíle utende.’

Lukashi 3:14

Vaing'ondo vanji navanavo kumudya, “Kushi wetu tutandele mwashi?” Nae kushidoni, “Hamunankwinyange munu woewoe shinu shake, hamunantambudyange munu shákatandile kanji puwangila nshala wenu wamupata.”

Lukashi 3:12

Kuwika shipinga shavakukatisha-ukodi valota avape ubatisho, navanavo kumudya, “Mwalimu, wetu apa tutandele mwashi?”

Nshuwau 8:9

Vanavo vakaigwe malove alo vandítunduvanga kuma jumo jumo kutunduvangila vanang'olo. Pashinu apo kubaki Yesu pamo na aijá nkongwe wavamwimidídye shing'ati shipinga.

Valoma 7:9

Nangu kala ngushinama ngwàpukanenge na lilamulo kanji palingwidilile lilamulo po, linditadya kudyuwangidya kavili lidambi kutwala nangu kupela.

Vitendo 7:54

Bai avalá vanang'olo vapanguguvale vakaigwe davo shindívalipuka shitundi mmitima mwave kutwala kushimwa mpaka kutuka shulu.

Vitendo 5:33

Napane vanavo pavaigwite malove alo, vandínyanyamukanga kulota kulamulila kuvovya shingumi.

Vitendo 1:16

“Mmanung'unumunu, Maandiko atangwele kala Imumu Wanashwe kwaindila imwe Daudi andivaikila awikile popo; Maandiko lo amwamba Yudashi, nannimya wakulangalalela shipinga shinkamwíle Yesu