Vitendo 19:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Paulu muwakati wamyedi mitatu, ashindauka kushitala shakulipudidya aombanga myaa na avashomba pakajugulanga shinu kwamwaa wautawala wa Nnungu.

Vitendo 19:8 Referans Kwoze

Vitendo 1:3

Ling'oto lyakupela nae andidyuka na andililodya myanda vyoe kumili kwave na vimanyikilo víkave ntau vyakulilodya nae kuva mumi. Vanavo vandyonanavo muwakati wamaduva alubaini avavalangangila ing'ano yautawala wa Nnungu.

Vitendo 28:23

Napane vakavike liduva lyakukadyania namu nae, vandímwidila vanu voe palyutu lyashiikala na nae kutunduvangila lyamba mpaka lyulo andívaigwiniya ataa ushuda yautawala wa Nnungu alingangila avashombe kwaing'ano imwe Yesu kutunduvangila mu Lilamulo lyake Musha namomo mu Vakulava.

Yudashi 1:3

Mmakunagwaleka, ata ikava kenga ngushindatumbama yakumwandikila kwamwaa wakwambolegwa kwaupamo, ndyona kudyanga nimwandikile ninnaililila pakulota mushililidye likulupililo lyavapatile vakwilimyanga kwamwanda umo tu bai.

Vitendo 19:9

Kanji vanu vanji vashindalitaukanga, havashilota kukulupila na vashindatangola kunyata Indila paumbala wavanu. Napavedoni Paulu andyúma pakati pave pamo na vakwoda kuka ndavapundisha kula liduva pashitala shimwe Tilanu.

Vitendo 18:19

Pavawikile pa Epeshu, nae andívaleka kutwala kuka ndainjila mushitala shakulipudidya ndataukananganavo vayuda.

Vitendo 18:4

Kula liduva lyakupumula Paulu ashindatangola muvitala vyamikodyanio alota avashombe vayuda pamo na vagalegu.

Vitendo 17:17

Napavedoni nae ashindataukananganavo vayuda na vanu vanji vakunjopa Nnungu mushitala shave shakulipudidya na kutaukananga na vanu vanji váshipita pashiwanja shamikodyanio.

Vitendo 14:1

Napanelo pa Ikoniu Paulu namu Balinaba vandíinjila mushitala shakulipudidya shavayuda na kwainamuna yavatangwele, imbumba yavayuda na yavagalegu indíkulupila.

Vitendo 13:46

Ata ikave davo Paulu namu Balinaba vandítangola pavakajugulanga shinu vaashidoni, “Indívaikila shitandi tuvalangange lilove lya Nnungu kwenu mwenu kanji kwodamwaa munkwita na munkulyapula mushingumi shíkamalilika, bai wetu mwanda au kwavamidi.

Vitendo 13:14

Vakaume pa Palegi vandyúka mpaka pa Antiyokiya ya ku Pishidiya kutwala muliduva lyakupumula vanavo kuka ndaikalanga pashitala shakulipudidya.

Vitendo 18:26

Bai jojo jo, andítunduvanga kutangola pakajugulanga shinu pashitala shakulipudidya. Pilishila namu Akila vakamwigwe mwashitangalela, vaníntwala kumuukanavo kukaja kwave kuka nammalangangila kwankati indila yake Nnungu.

Vitendo 19:7

Vanu avo uti vavele valume kenga kumi na mbili doni.

Vitendo 19:10

Bai shimadengo asho Paulu andítenda muvyaka vivili mpaka vanu uti valijimbo lya Ashiya, vayuda namu vamidi kwigwa lilove lyake Umu.

Vitendo 20:31

Napavedoni lilaledye mukumbukila doni, nangu muvyaka vitatu shilo na mui hangulakadile kunyuma kunnangalalela kula munu pakati penu ngulilidyanga.