Vitendo 19:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Bai munu walijini lyaukalau apalá leka avaulukile! Ni kutwala kuvatimba namene mpaka vanavo uti do, pwii, matakudavo na makana avo mumili.

Vitendo 19:16 Referans Kwoze

Lukashi 8:29

Nae andíjugwa davo mwaa Yesu anínnamulila lijini nshapu aijá aume mumili mwamunu ajo. Lijini jojo jo, myanda vyoe aníntawala munu aju; ata vakammika pashinu vàmuungile mang'unyang'unya avitali mmakono na mmadodo, nae ashindalundumula lijini kuntwala kumuukanavo kunundu.

Malukushi 5:15

Pavavandike pavele Yesu kumwona aijá munu wamajini e avénavo imbumba yamajini àikele, àgwete inguvo, àvenavo ding'ano dyashimunu kutwala vanavo kujopa.

Lukashi 8:35

Vanu kuka ndalola vitandéke avilá; pavawikile pavéle Yesu, vanínkodya munu wamuumile majini aijá àikele pavéle Yesu na ding'ano dyake dìmwikalenge shana na àgwalangidile. Vanavo vakamwone, vandíjopa namene.

Vitendo 3:8

Nae kudaloka kutunduvanga kuwena, kwinjila shalumo namu vanavo mwing'ande ya Nnungu awena, adalakanga na antumbyanga Nnungu.

Vitendo 19:15

Kanji lijini lyaukalau andívajang'ula doni, “Yesu nangu nimmanya na Paulu ninkumwigwanga; napane kushi mwenu po, mmakwashi?”

Vitendo 19:17

Napanelo vanu uti váshinama pa Epeshu yani vayuda pamo na vamidi pavaigwite shitendo asho vandíjopa namene na vandímamodya kutumbyanga lina limwe Umu Yesu.

II Patulu 2:19

Vanavo vankulivikila kuvapa unaiti kumbe vo vene vo, ni vatumwa vaudagwa. Mwaa ashilá shintamíle munu, nae ni ntumwa washinu asho.