Vitendo 17:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ Aju ni Nnungu ákandyenge shilambo na uti vipagwíte amo; jojo ávele Umu wakuwa na pai hananama muding'ande dyakushwalidya dyavadangile vanu

Vitendo 17:24 Referans Kwoze

Vitendo 7:48

Kanji napane, Nnungu Wapashanya-uti hanaikala muding'ande dyavadangile vanu kenga mwatangaladile nkúlava,

Mateu 11:25

Napanelo muwakati awo Yesu andítangola kushidoni, “Ninkukulambwalela Atata, Umu wakuwa na pai, pakuvapiyanga vinu avi vanu valimanyilo na valipundishídye kuvalodya vanu vila.

Maono 20:11

Napanelo níndyona shiteng'u shikumene shanashwe mwene shiteng'u jo àikalidile; pai na kuwa vínditila pamevo pake na halipagwíte lyutu lyavinu avyo.

Vitendo 14:15

vaashidoni, “Mwenu, mwaa shani munkutenda davo? Wetu apa, tuvanu túumbigwe kenga mwenu; apa wetu twidilé nammalangangila ntenga wambone pakulota muleke vinu vyamambinya avi, mushinjiulile mitima vyenu kwa Nnungu mumi ákandyenge kuwa na pai, imanga na vinu uti vipagwíte mumautu alo.

Vitendo 4:24

Vavave pavaigwite malove alo, kwaunapamo vandyúmya lidi vatangola na Nnungu vaashidoni, “Umu Wadimongo-uti úkandyenge kuwa na pai, imanga pamo na vinu uti vipagwíte amo

Lukashi 10:21

Muwakati wowo, Yesu andípuwanga namene kwaindila ya Imumu Wanashwe kutwala kushidoni, “Ninkukulambwalela Atata, Umu wakuwa na pai úpiidye vinu kwavanu vakumanya na vamang'amung'amu kutwala kuvalodya vanu vila. Ninkukulambwalela mwaa wako Atata utandalelé mwaulotalele.

Vabalaniya 3:4

Mwaa ing'ande uti idangegwa na munu kanji nkúdenga wavinu uti ni Nnungu.

Mateu 5:34

Napane nangu jo ninkumwaulila doni, hamunalilapile mwiko, mulilapila kuwa mwaa kwanavo ko ni shiteng'u shake Nnungu,

Vabalaniya 1:2

kanji mumaduva ala amwisho nae anditangola namu wetu kwaindila ya Mwanagwe aijá wankamudidye maleko avinu uti na kwaindila yake nae andikandyanga momo kuwa na pai.

Nshuwau 1:1

Kunantandi avele Lilove, jo Lilove andípagwa namu Nnungu na Lilove aju kuva Nnungu.

Valoma 1:19

Mwaa ashilá shuulukíka kumanyika kwamwaa wa Nnungu shanavo shinkulilodya pakuva jo mwene Nnungu, andivalodya.