Vitendo 17:23 - Ibibiliya mu Shimakonde Imbodi Yaambi na dimbande dya Imbodi Yakala

²³ mwaa pangupitile ngudingukanga nkaja amu ngulalyanga vyakulipudidya vyenu ndikodya namomo alutali yavaandike doni, ‘Kwannungu Ákamanyika.’ Napane aijá wamulipudya kwabila kummanya ni jojo wanimmalanganga.

Vitendo 17:23 Referans Kwoze

Nshuwau 4:22

Mwenu po munkulipudya kwa aijá wamukammanyite; wetu tunkulipudya kwa aijá watummanyite mwaa kwambola kunkwalakela kwavayuda.

Nshuwau 17:3

Shingumi shíkamalilika sho ni ashi, vakumanye wako kuva Nnungu wiu úvele jumo jojo na vammanye aijá wauntumididye, Yesu Klistu.

Nshuwau 17:25

Atata Waishaliya, ata ikava kenga shilambo hashikumanyite, nangu ndikumanya na vavéle namu nangu ava, vandimanya kenga wako uningutumidya.

I Vakolintu 1:21

Doni, kutunduvangila mo mulimanyilo lyake Nnungu shilambo hashuukile nammanya Nnungu kwaindila yalimanyilo, inínnagwela Nnungu kwaindila yaujinga aulá watuvalanganga wetu kuvaambola avalá vakulupidíle.

Valoma 1:28

Naivedoni pakuva vanavo havagwene mana yakummanya Nnungu, jo mwene Nnungu andivakamudya mumakumbukililo ave akunyata pakulota vatandedye ashilá shíkavaikidile kutenda.

Vitendo 17:30

Kanji Nnungu pakavalangila wakati aulá waungamanya, ambi apa ankuvavalangangila vanu uti mumautu avanama valijugulange madambi ave

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.

I Timoti 1:17

Ambi napane kumwe Umu wangwengwe, ákapela, ákaaneka, jo Nnungu jumo, kwake nae kupagwe ishima na lishangelo ngwengwe ngwengwe. Ame.

II Vateshalonika 2:4

jo ápinga na álikwedya pashanya pavinu uti avilá vishamégwa kuva Nnungu kwali vinu vyakulipudidya kutadya mpaka kwikala mwing'ande ya Nnungu alivalanganga kuva Nnungu.

Vaepeshu 2:12

inimmaikila mukumbukile doni, muwakati awo mwenu hamuvénavo Klistu, hamushivalangiligwa muuwenentete washiishilaeli, muvele múkamanyika nkati mudimbodi dyakulivikila; mmanu múkave lilindilililo na múkave Nnungu mushilambo amu.

I Vakolintu 8:5

Mwaa ata ikava kenga vapali vashamégwa vannungu kwali kuwa kwali pai, kenga mo mwavapagwididye “vannungu” voe kwali “vaumu” voe,

Nshuwau 8:54

Yesu kushidoni, “Ikava kenga ninkuling'a nene nimwene lishangelo, lishangelo alyo kwangu halive mana. Ángupa nangu lishangelo ni Atata, aijá wamumwamba mwenu doni, ‘Nnungu wetu.’

Mateu 15:9

Vanavo vankulipudya bule, vapundisha kenga mapundisho shii malamulo avanu vene.’ ”