Vitendo 17:2 - Ibibiliya mu Shimakonde Imbodi Yaambi na dimbande dya Imbodi Yakala

² Napanelo mudishumana nnatu mumaduva akupumula, Paulu kenga lidyavalelo lyake andyúka kushitala shakulipudidya ndataukananganavo vayuda atunduvangila mu Maandiko

Vitendo 17:2 Referans Kwoze

Vitendo 9:20

Nae kutunduvanginneu kwinjila muvitala vyamikodyanio apita ammalanganga Yesu doni, “Nae ni Mwana wa Nnungu.”

Vitendo 18:4

Kula liduva lyakupumula Paulu ashindatangola muvitala vyamikodyanio alota avashombe vayuda pamo na vagalegu.

Vitendo 17:17

Napavedoni nae ashindataukananganavo vayuda na vanu vanji vakunjopa Nnungu mushitala shave shakulipudidya na kutaukananga na vanu vanji váshipita pashiwanja shamikodyanio.

Vitendo 17:10

Palidimbile liduva vanung'unumunu vaníntwalinneu Paulu namu Shilashi kuvaukanavo ku Beleya. Pavawikile ako vandyúka kushitala shakulipudidya shavayuda.

Vitendo 14:1

Napanelo pa Ikoniu Paulu namu Balinaba vandíinjila mushitala shakulipudidya shavayuda na kwainamuna yavatangwele, imbumba yavayuda na yavagalegu indíkulupila.

Vitendo 13:5

Pavawikile pa Salamishi, vandívalanganga lilove lya Nnungu muvitala vyamikodyanio vyavayuda na Nshuwau Malukushi avele nkúpwashela wave.

Vitendo 28:23

Napane vakavike liduva lyakukadyania namu nae, vandímwidila vanu voe palyutu lyashiikala na nae kutunduvangila lyamba mpaka lyulo andívaigwiniya ataa ushuda yautawala wa Nnungu alingangila avashombe kwaing'ano imwe Yesu kutunduvangila mu Lilamulo lyake Musha namomo mu Vakulava.

Vitendo 8:35

Napanelo Pilipo kutunduvangila mulipungu alyo lyamaandiko andyúka ammalangangila munu ajo ntenga wambone umwe Yesu.

Nshuwau 18:20

Yesu kutwala kushidoni, “Nangu nditangola ngala na shilambo; ndipundisha ngwengwe muvitala vyakulipudidya na mwing'ande ya Nnungu mwavakadyania uti vayuda. Hashipali shangutangwele kwashipii.

Lukashi 4:16

Napanelo andíwika palikaja lyake lyakulumukidile pa Nashaleti; akawike apo, muliduva lyakupumula nae mwalidyavalelo lyake, andíinjila mushitala shakulipudidya. Akainjile, andítakatuka pakulota ashomye;

Vitendo 24:25

Kanji Paulu avalanganga ing'ano yaishaliya, yakulishunga, yaukumu ulóta kutandeka, Pilishi andíjopa namene na andímwaulila Paulu aashidoni, “Ambi unkuulula kuka! Mushu mo pangulota kuva na litala ndakushema,”

Vitendo 19:8

Paulu muwakati wamyedi mitatu, ashindauka kushitala shakulipudidya aombanga myaa na avashomba pakajugulanga shinu kwamwaa wautawala wa Nnungu.

Vitendo 13:14

Vakaume pa Palegi vandyúka mpaka pa Antiyokiya ya ku Pishidiya kutwala muliduva lyakupumula vanavo kuka ndaikalanga pashitala shakulipudidya.

Mateu 26:24

Mwana Wamunu andapalela kenga mo mwavandikidile vamwamba nae napane apambale aijá álota kunnimya Mwana Wamunu jo! Munu ajo kudyanga hanavalekwe.”

I Vakolintu 15:3

Mwaa nangu nimpalakadyedya kenga shinu shitandi shamana ashilá shangupatile nangu momo: doni, Klistu andipela kwamwaa wamadambi etu kwodananavo Maandiko;