Vitendo 16:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Napanelo shilo Paulu indímwidila indoti: munu wa ku Makedoniya àimidile anjugwangila doni, “Shonde, amboka wide kwetu ku Makedoniya utupwashele.”

Vitendo 16:9 Referans Kwoze

Vitendo 19:21

Ling'oto lyavinu avyo, Paulu alangalalegwa na Imumu Wanashwe andyámuwa kuka ku Yelusalemu apitila ku Makedoniya na ku Akaya aashidoni, “Panguwika ku Yelusalemu nikaikalanga, ininguvaikila momo nguke ndikawike ku Loma.”

Vitendo 18:5

Napanelo Shilashi namu Timoti pavawikile vaalakela ku Makedoniya, Paulu ashindabanigwa kwalilove aumya ushuda kwavayuda kenga Klistu ni Yesu.

Valoma 15:26

Mwaa ku Makedoniya na ku Akaya indivanagwela kutenda nshango kwamwaa wavakave pashinu pakati pavakwilimyanga va ku Yelusalemu.

Vitendo 20:1

Napanelo shititimbu ashilá shìmalilikenge, Paulu andívashema vakwoda kuvanonowanga kutwala kulilaila kuka ku Makedoniya.

I Vateshalonika 4:10

Namwiu munkutenda kwavanung'unumunu Makedoniya uti. Tunkunnaililila napane mmanung'unumunu mutandedye kupunda apo,

II Vakolintu 12:7

Napanelo kwamwaa waukumene wakupunda apo wamaono na pakulota nangu hangunalikwedye, vaningujaulila miva mumili mwangu, àvele múntenga wake Shatwani pakulota angutindinganiange kwambangidya dashi hangunalikwedye.

II Vakolintu 11:9

Nangu pangupagwíte namu mwenu vingwova vinu, hapali wanintikile ligogo mwaa vanung'unumunu vaalakadíle ku Makedoniya vanavo vaníngupa avilá víshingwova nadoni ndilishunga pakulota hangunantike ligogo mwenu na ndauka mushu ngulishunga yadavo.

II Vakolintu 9:2

Mwaa ndimanya kutumbama kwenu, shinu shangulyumidya shumbi kwavamakedoniya ndivaulila doni, tangu mwaka upitíle vaakaya vanavo vavelé tayali na dukuduku yenu inkuvaimulanga voe.

II Vakolintu 8:1

Tunkummanyiya napane mmanung'unumunu umonyo umwe Nnungu upatikanénge mumaganisha a ku Makedoniya.

II Vakolintu 7:5

Doni, patuwikile ku Makedoniya hatupatile litala lyakupumula kanji tundipata mauvilo akula inamuna; panda apa ugombi na nkati mmitima mo, kujopa.

Vitendo 20:3

Ako nae andíikala myedi mitatu. Pashipanganikanga pakulota ainjile mwingalava auke ku Shiliya, andyánalela kenga vayuda vankupanga milugu vyakuntenda ing'ondo. Nadoni nae andyámuwa kuja apitila ku Makedoniya.

Vitendo 10:30

Koluneli kutwala kushidoni, “Mumaduva matatu apitíle nangu ngushindapagwa mukushwali nng'ande mwangu amu muwakati kenga wowau wasatisa. Bai kwashingangala andyáneka munu àgwete dinguvo dyakumalameta

Vitendo 10:3

Muliduva limo, muwakati wasatisa yalyulo, mwindoti Nnungu anínnodya Koluneli njelo wake kutwala njelo jo kunshema, “Koluneli!”

Vitendo 9:38

Napanelo pa Yope namu pa Lida hapalapanénge namene; nadoni, vakwoda pavaigwite kenga Patulu apali pa Lida vanavo vandívatumidya vanu vavili kuka nanjugwangila Patulu aide shipajelo aonane namu vanavo pa Yope.

Vitendo 16:10

Ling'oto lyakwona indoti ayo, tundílipanganiyangidyanneu kuka ku Makedoniya tumanya kenga Nnungu anditutuma tuke tukavavalangangile vamakedoniya ntenga wambone.

Vitendo 16:12

Patumile apo tundyúka mpaka pa Pilipo likaja lya dishiklitu itandi yashitajili yalijimbo lya Makedoniya lyavashitawala valoma. Palikaja ali, wetu tundíikala maduva atwikalénge.

Vitendo 19:22

Napavedoni andívatuma vatumikamwagwe yani Timoti namu Elashitu vauke ku Makedoniya kutwala nae kwikala padyoko ku Ashiya.

Vitendo 19:29

Muwakati ungwipi likaja uti lindíinjila mpulugu; venentete vanínkamula Gayu namu Alishitaliku vanu va ku Makedoniya váshipita vawena shalumo namu Paulu kupita vavautanga vavaukanavo kushiwanja shamishesho.

Vitendo 27:2

Bai wetu tundíkwela mwingalava ya pa Adalamitiu ivéle tayali yuke kuviko vya ku Ashiya. Mushimwanda shosho tundípagwanavo Alishitaliku munu wa ku Teshalonika ya ku Makedoniya.