Vitendo 16:34 - Ibibiliya mu Shimakonde Imbodi Yaambi na dimbande dya Imbodi Yakala

³⁴ Akabatishwe, andívatwalinneu vapaulu kuvaukanavo kwing'ande kwake ndavapa shakulya. Bai nae andípuwanga namene pamo na vapaing'ande pake uti mwaa wakunkulupila Nnungu.

Vitendo 16:34 Referans Kwoze

Valoma 15:13

Napane Nnungu walilindilililo amuumbadye lipuwilo uti pamo na amani nkati mukukulupila pakulota kwaindila yadimongo dya Imumu Wanashwe, muumbaligwe na lilindilililo.

Pilemoni 1:7

Mwaa linagwaledyo lyako liningupa lipuwilo likumene na kungupambadyanga pakuva mitima vyavakwilimyanga vindididimigwa kwaindila yako wako nung'unumunu.

Valoma 5:11

I gweka avyo, namomo tunkulitamangila Nnungu kwaindila imwe Umu wetu Yesu Klistu átutadidye ambi apa tupate kwigwania.

Vitendo 2:46

Liduva kwaliduva vakadyania mwing'ande ya Nnungu, vamajananga ligung'u muding'ande, vashindamajananga kula munu na muje kwamitima vyalipuwilo na vyakujaulanga,

I Nshuwau 3:18

Mmanavangu, hatunanagwaledye kwalilove na kwapakanywa kanji muvitendo na muumwiu.

Vapilipo 4:17

I do, ninkulambela shadaka shenu kanji shangulambela ni vyepo vyakwanjedya paida yenu.

Vapilipo 4:4

Puwanga ngwengwe nkati mumwe Umu. Ninkuujila kavili nguushidoni, puwanga!

Valoma 5:2

Kwaindila yake nae namomo wetu tundipata litala lyakwinjila kwalikulupililo muumonyo au watupagwa na tunkulitamangila mulilindilililo lyalishangelo lyake Nnungu.

Vitendo 11:14

Nae andakuvalangangila ntenga ulóta kukutadya wako pamo na vanu uti vapaing'ande pako mwambolegwe.’

Vitendo 8:39

Pavaumanenge mmedi, Imumu wake Umu aníntwala Pilipo; bai mwitiyope hangwene kavili kanji andyúka mushu na shimwanda shake apuwanga.

Lukashi 19:6

Shakeu kushulukinneu kumpwashalela Yesu na lipuwilo lyoe.

Lukashi 15:32

Apa, hampagwite munji! Indívaikila wetu tupuwange; nung'uno aju, andípela kanji mumi, andíjaika kanji andyaneka.’ ”

Lukashi 5:29

Napanelo Lawi kwing'ande kwake, andítalakanga shakulya shoe shakumpuwangila Yesu. Po pavashilya po, shindípagwa shipinga shikumene shavakukatisha-ukodi pamo na vanji.

Vagalata 5:22

Kanji napane mapuno a Imumu ni linagwaledyo, lipuwilo, amani, kupililila, kutanana, wambone, kukulupilika,

Vitendo 16:15

Ling'oto lyankongwe ajo kupata ubatisho pamo na vapaing'ande pake, andítujugwangila aashidoni, “Ikava kenga mwenu munkungwona kenga nangu ninkúkulupila wake Umu, tuke mukaikale kwing'ande kwangu.” Bai nae andítuulula kutuukanavo kwing'ande kwake.

Vitendo 16:35

Napanelo wiko paushwenge, vananangalaledi valibengi vandívatuma vadyoko vave vaashidoni, “Vaungule vanu avalá.”