Vitendo 16:22 - Ibibiliya mu Shimakonde Imbodi Yaambi na dimbande dya Imbodi Yakala

²² Bai imbumba yavanu ikatunduvange kuvakanyalanga, vananangalaledi valibengi vandílamulila vavaulange dinguvo na vavashape.

Vitendo 16:22 Referans Kwoze

I Vateshalonika 2:2

Ata ikava kenga tundyúvauvanga na kutananigwa kunyata akulá ku Pilipo mo mwamumanyilile shana, tundívanavo ntima shii nkati mumwe Nnungu wetu wakummalangangila ntenga wambone wa Nnungu nkati mukupingigwa kwoe.

II Vakolintu 6:5

mukushapigwa viboko, mukungwa, muvijungulima, mushimadengo shakupwateka, muushilo bila lwono, mwindala,

Vabalaniya 11:36

Vanji vo, vashindaliuligwa na kushapigwa viboko, vanji kavili vandívaunga mang'unyang'unya na kuvajela mudikalaboshi

I Patulu 2:24

Nae jo mwene andilitika mumili mwake madambi etu panshalaba kwambangidya tupele kwamadambi na tuname kwaishaliya; kwaindila yavilonda vyake, mwenu mundipona.

Vitendo 18:12

Napanelo Galyu àvele gavana walijimbo lya Akaya, vayuda kwaunapamo vanínnyanyamalila Paulu na vaníntwala kumuukanavo kumwe gavana kushiwanja shamikodyanio

Vitendo 17:5

Kanji vayuda vandívanavo ing'ou vakavatwalanga vakubanga vanji vapashakoni vakaunga shipinga shavo shaupuju kupita vataa upuju nkaja; vanavo vandyúka ndapajola ing'ande imwe Yashoni valota vankamule Paulu namu Shilashi vavaukenavo kuumbala.

Vitendo 16:37

Kanji Paulu andívajang'ula vanavo kushidoni, “Aba! Vatushapilé paumbala na kutugang'aledya nkalaboshi pavakalalyanga shana mwaa wene na wewe tùvele tuvaloma! Napanelo valota vatuungule shipiipii? I mwanavo! Indivaikila vaide vo vene, vatuungule.”

Vitendo 5:40

Nadoni vakavashema vamyombe avalá vakavashapa viboko kutwala kuvaduma havanatangole palina limwe Yesu na kuvaleka vauke.

Mateu 27:26

Bai Pilatu andívaungulila Balabashi, Yesu jo kunshapa viboko na kuvaing'a vakankamele panshalaba.

Mateu 10:17

Lilaledye kwavanu. Vanavo vanantwala mwenu kumuukanavo mudikamati na muvitala vyave vyakulipudidya, vananshapa viboko.

Lukashi 12:11

Mwenu vakamuukanavo kuvitala vyakulipudidya, kwavakutawala na kwavamadalaka, hamunangaikange mulambela mwakulishililididya na mwakutangalela